Ikipe ya Real Madrid yatsinze Al-Hilal ku mukino wa nyuma w’igikombe cy’isi cy’amakipe wabonetsemo ibitego umunani,i Rabat muri Maroc.
Ibi byatumye yegukana iki gikombe ku nshuro ya gatanu,ikomeza gushimangira ibigwi byayo.
Vinicius Jr na Federico Valverde batsindiye Real Madrid ibitego 2-0 hakiri kare ku munota wa 13 na 18,naho Moussa Marega aha Al-Hilal ibyiringiro mbere yuko Vinicius afasha Karim Benzema gutsinda igitego cya 3 ku munota wa 54.
Valverde yongeye kunyeganyeza inshundura ku (...)

Sponsored Ad

Ikipe ya Real Madrid yatsinze Al-Hilal ku mukino wa nyuma w’igikombe cy’isi cy’amakipe wabonetsemo ibitego umunani,i Rabat muri Maroc.

Ibi byatumye yegukana iki gikombe ku nshuro ya gatanu,ikomeza gushimangira ibigwi byayo.

Vinicius Jr na Federico Valverde batsindiye Real Madrid ibitego 2-0 hakiri kare ku munota wa 13 na 18,naho Moussa Marega aha Al-Hilal ibyiringiro mbere yuko Vinicius afasha Karim Benzema gutsinda igitego cya 3 ku munota wa 54.

Valverde yongeye kunyeganyeza inshundura ku munota wa 58 ,yunganirwa na Vinícius Júnior ku wa 68. Luciano Vietto yatsindiye Al Hilal ibitego bibiri by’impozamarira ku munota wa 63 n’uwa 79.

Real ya Carlo Ancelotti yongereye iki gikombe kuri bine yatwaye kuva 2014 kugeza 2018 - kandi ishimangira gukomera kw’amakipe yo mu Burayi muri iri rushanwa kuko yatwaye ibikombe 10 biheruka.

Real Madrid yakuyemo ikipe yo mu Misiri Al Ahly ku bitego 4-1 muri kimwe cya kabiri cy’irangiza, icyiciro ikipe y’iburayi itangiriraho muri iri rushanwa.

Al-Hilal yari iyoboye Asia, itozwa na Ramon Diaz wahoze atoza Oxford United, yasezereye Flamengo ya Brazil muri kimwe cya kabiri,iba ikipe ya mbere yo muri Saudi Arabia igeze ku mukino wa nyuma muri iri rushanwa.

Ariko nubwo Vietto wahoze ari rutahizamu wa Fulham yatsinze ibitego bibiri ntibashoboye kuba ikipe ya mbere ya Aziya yatwaye igikombe.

Fifa irateganya guhindura imiterere y’iri rushanwa guhera muri kamena 2025 rikitabirwa n’amakipe 32 kandi rigakinwa buri myaka ine.

Flamengo ya Brazil yegukanye umwanya wa 3 nyuma yo gutsinda ibitego 4-2 Al Ahly ya Egypt.