skol
Kigali

Sadio Mane yahishuye impamvu yihariye yatumye yerekeza muri Bayern Munich

Imyidagaduro   Yanditswe na: Dusingizimana Remy 22 June 2022

Rutahizamu Sadio Mane yasobanuye impamvu yafashe icyemezo cyo kuva muri Liverpool akerekeza muri Bayern Munich aho yemeje ko bitamutwaye igihe kinini cyo guhitamo iyi kipe y’Ubukombe mu Budage.

Bayern iri hafi gusinyisha Sadio Mane amasezerano y’imyaka 3 aho izamugura miliyoni 35.1 z’amapawundi.

Yagaragaye yambaye umupira wa Bayern ubwo yari amaze gukorerwa ibizamini by’ubuzima.

Uyu mukinnyi ukomoka mu gihugu cya Senegal yavuze uko yerekeje muri iyi kipe ya Bundesliga, yemeza ko yari yariyemeje kuzayerekezamo nimukenera.

Yabwiye BILD ati: "Ubwo unshakira amakipe yambwiraga bwa mbere ko Bayern inshaka, nahise nishima."

"Nahise nyibonamo ako kanya. Kuri njye yari ikipe nziza ije mu gihe gikwiye.

"Ni imwe mu makipe akomeye ku isi kandi ihora irwanira buri gikombe. Ku bwanjye rero, cyari igitekerezo cyiza cyane kandi ni icyemezo cyiza kuza hano."

Abajijwe impamvu yafashe icyemezo cyo kujya muri Bayern, Mane yasubije ati: "Unshakira amakipe yambwiye ko hari andi makipe ankeneye. Ibyo ni bimwe mu bigize ubucuruzi.

"Ariko nahise niyumvamo Bayern,ubwo yangezaga gahunda yabo. Nisanze muri gahunda ya Bayern kurusha abandi."

Mane wegukanye igikombe cya Champions League hamwe na Liverpool muri 2019, yabajijwe niba azafasha iyi kipe ye nshya ku mukino wa nyuma w’iki gikombe.

Ati "Sinshaka kuvuga Oya.Buri mwana wese aba ashaka gutwara igikombe cya Champions League,buri mukinnyi w’umupira w’amaguru ku isi. Ubu ndi kumwe n’ikipe ihatana cyane.

Ariko haracyari kare kuvuga ku mukino wa nyuma wa Champions League, ntabwo turakina n’umukino n’umwe turi hamwe. Nubwo bimeze bityo ariko, tuzatanga byose kugira ngo tugere ku mukino wa nyuma."

Uyu mukinnyi w’imyaka 30 yiteguye guhagarika urugendo rw’imyaka 6 yari amaze kuri Anfield atwara ibikombe buri gihe kandi ari umukinnyi ngenderwaho.

Yatsinze ibitego 120 mu gihe cyose amaze mu kipe ya Liverpool ndetse arateganya kuzitwara neza mu Budage.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tottenham yaguze rutahizamu wifuzwaga n’amakipe akomeye mu Bwongereza

Ikipe ya Tothenham Hotspurs yamaze kurangizanya na Richarlison wakiniraga...
1 July 2022 0

APR FC yakuyeho urujijo ku byavugwaga ko igiye kugarura Abanyamahanga

Ubuyobozi bwa APR FC bwatangaje ko nta gahunda ihari yo kwinjiza abakinnyi...
30 June 2022 0

Reba abakinnyi 5 bahabwa amahirwe yo kwegukana Tour de France ihatse andi...

Kuri uyu wa gatanu,tariki ya 1 Ukwakira 2022 nibwo irushanwa rikundwa...
30 June 2022 0

"Baduhaye akazi gakomeye"-Adil Mohamed yakuriye ingofero ikipe ya Kiyovu...

Umutoza wa APR FC, Adil Mohammed Erradi,yatangaje ko yanyuzwe n’imyitwarire...
30 June 2022 0

"Nishimiye ko natanze Byose"-Umunyabigwi muri Basketball Aristinde Mugabe...

Abinyujije ku mbuga nkoranyambaga ze,Umunyabigwi muri Basketball y’u Rwanda,...
30 June 2022 0

Sunrise FC yegukanye Igikombe cya shampiyona y’icyiciro cya kabiri

Ikipe ya Sunrise FC yegukany Igikombe cya Shampiyona y’Icyiciro cya Kabiri...
29 June 2022 0