Shampiyona y’Igihugu y’Imikino yo Koga ya 2025 izakinwa ku wa Gatandatu, tariki ya 30 Kanama, guhera saa Tatu za mu gitondo, muri piscine ya Green Hills Academy i Nyarutarama.

Ishyirahamwe ry’Umukino wo Koga mu Rwanda (Rwanda Aquatics Federation), ryashyize hanze amatariki azakinirwaho imikino ya Shampiyona, ishyirwa kare mu rwego rwo gutegura amarushanwa mpuzamahanga.

Abakinnyi bazitabira iyi mikino barimo abo mu makipe atandukanye barimo Mako Sharks Swim Club Kigali, Kigali Sporting Club, Rwamagana Canoe and Aquatics Sports, Cercle Sportif de Kigali Swimming Club, Les Dauphins n’andi.

Ikipe ya Les Dauphins iri mu makipe yiteguye umwaka w’imikino itegura abana bazahatana muri iri rushanwa, aho abagera kuri 16 batoranyijwe kugira ngo bazayihagararire mu byiciro bitandukanye.

Aba babonetse binyuze mu mwiherero w’amazi abiri wabaye mu biruhuko, dore ko abana benshi bakinira iyi kipe ari abanyeshuri

Abakinnyi bazahiga abandi muri Shampiyona yo Koga ya 2025, bazahita babona itike yo guhagararira u Rwanda mu irushanwa rya ‘Africa Aquatics Zone III Championships’ rizabera muri Kenya.

Shampiyona yo Koga igiye gukinwa