Ishyirahamwe ry’umupira w’amaguru muri Sierra Leone (SLFA) rir gukora iperereza ku cyatumye imikino ibiri ivema ibitego 187.
Muri iyo mikino ibiri yo mu cyiciro cya kabiri, Kahunla Rangers, ikipe y’i Kenema, na Gulf FC y’i Kono, zatsinze by’ikirenga bakeba bazo mu mikino yo guhatanira kujya mu cyiciro cya mbere ku cyumweru.
Kahunla yirengeje Lumbebu United iyitsinda ibitego 95-0, mu gihe Gulf FC yanyagiye Koquima Lebanon 91-1, iba imikino ibiri yinjijwemo ibitego byinshi mu mateka ya Sierra (...)

Sponsored Ad

Ishyirahamwe ry’umupira w’amaguru muri Sierra Leone (SLFA) rir gukora iperereza ku cyatumye imikino ibiri ivema ibitego 187.

Muri iyo mikino ibiri yo mu cyiciro cya kabiri, Kahunla Rangers, ikipe y’i Kenema, na Gulf FC y’i Kono, zatsinze by’ikirenga bakeba bazo mu mikino yo guhatanira kujya mu cyiciro cya mbere ku cyumweru.

Kahunla yirengeje Lumbebu United iyitsinda ibitego 95-0, mu gihe Gulf FC yanyagiye Koquima Lebanon 91-1, iba imikino ibiri yinjijwemo ibitego byinshi mu mateka ya Sierra Leone.

Ariko ibitego byinshi byaje nyuma kuko mu gice cya mbere byari 2-0 na 7-1 nk’uko zikurikirana.Ibyavuye muri iyo mikino byose bikaba byagizwe imfabusa mu gihe hakekwa ko haba harabayemo amanyanga.

Thomas Daddy Brima, umyobozi w’ishyirahamwe SLFA yabwiye BBC ati: "Ntidushobora gupfumbata amaboko ngo tureke ibintu biteye isoni nk’ibi bigende ntawe uhanwe.

“Tugiye gutangira iperereza vuba hanyuma abo bose bagize uruhare muri aya mahano babihanirwe.

“Abazahamwa n’icyaha bazabihanirwa hakurikijwe amategeko ya SLFA, kandi bazashyikirizwa inzego z’igihugu zishinzwe kurwanya ruswa.”

Umuyobozi nshingwabikorwa wa Kahunla Rangers "yamaganye yivuye inyuma iyo myitwarire itabereye imikino” naho umuyobozi mukuru wa Lumbebu avuga ko "nta na kimwe azi kijyanye n’ubujura muri iyo mikino”.

Hagati aho umukuru wa Koquima Lebanon yabaye nk’uvuga ko umukino ikipe ye yakinnye wari uwa gicuti nubwo abayobozi ba Gulf FC banze kugira icyo batangaza.

SLFA yavuze ko izakora iperereza ku bakinnyi n’abayobozi b’ayo makipe ane yose, abasifuzi b’iyo mikino hamwe n’ishyirahamwe ry’umupira w’amaguru mu karere k’uburasirazuba bwa Sierra Leone.

Amakipe yombi, Kahunla na Gulf FC, yari afite amanoka angana mbere y’iyi mikino ya nyuma kandi yarwaniraga umwanya umwe mu karere k’uburasirazuba mu irushanwa rya Super 10 League,mu kwinjira mu cyiciro cya mbere Premier League.

Iyi mikino ibiri yabereye rimwe kandi umusifuzi w’umukino rwa Gulf yanze gusifura igice cya kabiri, arasimbuzwa.

Ibintu byabaye akandare ubwo mu gice cya kabiri ubwo hamenyekanaga ko ikipe irusha iyindi ibitego ariyo ikomeza cyane ko Kahunla yari yarinjije 93 na Gulf yinjiza 84.

BBC