Umunyabigwi wa Arsenal,Thierry Henry,yatangaje ko Bukayo Saka ashobora gufasha ikipe ye kwikura imbere ya Manchester City bahanganiye igikombe cya shampiyona.
Abafana ba Arsenal barahangayitse nyuma yo kumara imikino 2 ikipe yabo idatsinda ndetse mu ijoro ryo kuri uyu wa Gatatu bakaba barahura na Manchester City.
Arsenal irakira City kuri Emirates ibizi neza ko nidatsinda irava ku mwanya wa mbere imazeho amezi menshi.
Kizigenza Henry yizeye ko Saka ashobora gukora ikinyuranyo ndetse (...)

Sponsored Ad

Umunyabigwi wa Arsenal,Thierry Henry,yatangaje ko Bukayo Saka ashobora gufasha ikipe ye kwikura imbere ya Manchester City bahanganiye igikombe cya shampiyona.

Abafana ba Arsenal barahangayitse nyuma yo kumara imikino 2 ikipe yabo idatsinda ndetse mu ijoro ryo kuri uyu wa Gatatu bakaba barahura na Manchester City.

Arsenal irakira City kuri Emirates ibizi neza ko nidatsinda irava ku mwanya wa mbere imazeho amezi menshi.

Kizigenza Henry yizeye ko Saka ashobora gukora ikinyuranyo ndetse yemeje ko uyu musore muto yatangiye kumwemeza nyuma yo guhusha Penaliti ku mukino wa nyuma wa Euro 2020.

Henry yabwiye Amazon Prime Video,ati: “Umukinnyi kuri njye....hari abakinnyi benshi niteze kureba mu mukino.

Ariko reka mvuge Bukayo Saka.

Kubera iki?kubera ukuntu yagarutse nyuma ya Euro,akimara guhusha iriya penaliti ntiyongeye kureba inyuma.

Ndatekereza ko nshaka ko ikipe itsinda ariko ndashaka ko akina neza muri uriya mukino [wa Man City],akine neza kugeza umwaka w’imikino urangiye kandi akaba umukinnyi ugena uko imikino igenda."

Saka w’imyaka 21,ari mu bihe byiza muri uyu mwaka w’imikino aho amaze gutsinda ibitego 7 anatanga imipira 8 muri Premier League.

Uyu musore yahinduye ikipe ya Mikel Arteta ayishyira mu yahatanira igikombe nubwo ubu bageramiwe na Man City.