Ikipe ya Tothenham Hotspurs yamaze kurangizanya na Richarlison wakiniraga ikipe ya Everton , uyu munyabrazili yaguzwe miliyoni 50 zamapawundi, yamaze no gukora ikizami cy’ubuzima muri Brazil azagera I Londre mu cyumweru gitaha.
Ku wa gatatu w’iki cyumweru nibwo Tottenham yumvikanye na Richarlison ku byo izamuha ku giti cye hamwe n’amasezerano azayisinyira hanyuma n’amakipe yombi aza kumvikana,bituma Richarlison yimukira muri iyi kipe izakina Champions League.
Tottenham yari yatanze abakinnyi (...)

Sponsored Ad

Ikipe ya Tothenham Hotspurs yamaze kurangizanya na Richarlison wakiniraga ikipe ya Everton , uyu munyabrazili yaguzwe miliyoni 50 zamapawundi, yamaze no gukora ikizami cy’ubuzima muri Brazil azagera I Londre mu cyumweru gitaha.

Ku wa gatatu w’iki cyumweru nibwo Tottenham yumvikanye na Richarlison ku byo izamuha ku giti cye hamwe n’amasezerano azayisinyira hanyuma n’amakipe yombi aza kumvikana,bituma Richarlison yimukira muri iyi kipe izakina Champions League.

Tottenham yari yatanze abakinnyi barimo Harry Winks na Steven Bergwijn mu gushaka uko yumvikana na Everton ariko iyi kipe yavuze ko ishaka amafaranga gusa.

Richarlison yiteguye kuva muri Everton nyuma y’imyaka ine ayigezemo nyuma yo kugurwa muri Watford. Chelsea yagerageje kugura uyu musore w’imyaka 25,itanga umukinnyi yongeraho amafaranga,ariko Spurs ihita imugura.Byigeze kuvugwa ko na Arsenal yamwifuje mbere.

Uyu mukinnyi ukomoka muri Brazil yatsinze ibitego 53 mu mikino 152 yakiniye Everton kandi azerekeza muri Spurs aho azahurira na myugariro wa Barcelona, ​​Clément Lenglet.

Amakipe yombi ari mu biganiro byimbitse ku ntizanyo y’umwaka umwe kugira ngo uyu myugariro Umufaransa yerekeze mu Bwongereza. Lenglet, yatangiye imikino irindwi ya La Liga muri saison ishize, yifuza kwerekeza muri Tottenham gukorana na Conte.

Tottenham imaze kugura Fraser Forster, Yves Bissouma na Ivan Perisic biyongera kuri Bentancur yaguze mu kwezi kwa Mbere na Dejan Kulusevski.