Umukinnyi w’Umufaransa ukinira ikipe ya AS Monaco, Christian Mawissa, yahanishijwe kugurira abakinnyi bose bakinana iPhone 16 Pro Max kubera gukererwa imyitozo.
Mu ikipe ya AS Monaco yo mu cyiciro cya mbere mu Bufaransa (Ligue 1), gukererwa imyitozo ntabwo bifatwa nk’ikosa risanzwe.

Umukinnyi ukererewe ahita ahabwa igihano binyuze mu buryo budasanzwe bwo kuzengurutsa “Roulette” iba iriho ibihano bitandukanye ubundi igihano iguheyo akaba ari cyo uhanishwa.

Ibi byabaye kuri myugariro w’imyaka 20, Christian Mawissa, aho we yayizengurukishe bikarangira igihano cye ari icyo kugurira abakinnyi bose bakinana talefone nshya za iPhone 16 Pro Max .

Ikipe ya AS Monaco ifite abakinnyi 27 ukuyemo uyu mukinnyi, bivuze ko azagura telefone 27. Kuri buri telefoni imwe mu Bufaransa azatanga €1,500 naho yose akaba €40,000. Aya mafaranga uyashyize mu manyarwanda ararenga miliyoni 50 Frw [50,000,000 Frw].