Umukunzi wa Cristiano Ronaldo Georgina Rodriguez yaciye ibintu kubera imyambarire yagaragaje mu birori bya Paris Fashion Week.

Sponsored Ad

Uyu mugore w’icyamamare yari yambaye ikanzu hejuru ari umupira wa Cristiano Ronaldo ndetse mu batuza hariho nimero 7 n’izina Ronaldo.

Uyu munyamideli yibukije benshi ibihe byiza bya Ronaldo kuri Old Trafford kuko uyu mupira wari uwa Manchester United wari ufatanye n’iyi kanzu.

Rutahizamu wa Al-Nassr w’imyaka 39, yanditse inyuma kuri uyu mwenda umukunzi we yari yambaye ati "kubera urukundo rw’ubuzima bwanjye".

Ronaldo yongeyeho izina ry’inzu itunganya imyenda yo mu busuwisi yateguye iyi kanzu "Vetements" yongeraho umukono we.