skol
Kigali

Umunya Ukraine ukinira ikipe yo muri Espagne yahagaritse imyitozo ngo ajye ku rugamba guhangana n’Uburusiya

Imyidagaduro   Yanditswe na: Dusingizimana Remy 26 February 2022

Umukinnyi w’umupira w’amaguru ukomoka muri Ukraine ariko agakina muri Espagne yatangaje ko ashaka kujya ku rugamba, kandi ko yiteguye guhagarika uyu mwuga we.

Vasyl Kravets yavuye mu myitozo yakorenaga na bagenzi mu ikipe ya Sporting Gijon yo mu cyiciro cya kabiri,nyuma y’aho Uburusiya buteye igihugu cye mu gitondo cyo ku wa kane.

Imirwano irakomeje kugeza n’uyu munsi ndetse ingabo z’Uburusiya zamaze kugera mu mujyi wa Kyiv ziri gutera amabombe ubutitsa.

Icyemezo cya Vladimir Putin cyo gutera Ukraine cyamaganwe ku isi yose, aho mu mupira w’amaguru,benshi bunze ubumwe mu kwamagana iyi ntambara.

Abakinnyi ba Barcelona na Napoli bafashe icyapa gisaba ’Guhagarika Intambara’ mbere yuko umukino wabo wa Europa League uba kuwa kane.

Ariko uyu mukinnyi w’ibumoso yatangarije mu kiganiro yahaye itangazamakuru ko yiteguye kujya ku rugamba nubwo atazi kurasa imbunda, ndetse ashinja ibyabaye byose perezida w’Uburusiya.

Kravets yatangarije ikinyamakuru Radio Marca cyo muri Espagne ati: ’Barimo kwica abantu, abasivili, mu bitaro ... byose ni amakosa ya Putin, sinshaka kuvuga ko ari amakosa y’Uburusiya, ahubwo n’aya Putin.’

’Turi igihugu cyifuza kubaho mu mahoro. Ntabwo dushaka gutera umuntu, turashaka kubaho neza no gutuza. Ndababwiza ukuri: Ndashaka kujya ku rugamba ngfasha abantu banjye.

’Ariko sinshobora gutabara kuko ntazi kurasa, uko bagenda, uburyo bwo kongeramo imbunda amasasu ... ariko ukuri ni uko nshaka gufasha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

APR FC yongeye kubabaza Rayon Sports igera ku mukino wa nyuma w’Igikombe...

Ikipe ya APR FC yageze ku mukino wa nyuma w’igikombe cy’Amahoro nyuma yo...
19 May 2022 0

Idrissa Gana Gueye ari guhatirizwa gusaba imbabazi abatinganyi yanze...

Umuyisilamu wahisemo gukina umupira mu ikipe ya PSG,Idrissa Gana Gueye...
19 May 2022 0

Rutahizamu Joao Felix aravugwaho gutwarwa umukunzi na mugenzi...

Rutahizamu wa Atletico Madrid,Joao Felix aravugwaho kuba ari mu gahinda...
19 May 2022 0

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0