skol
Kigali

Umutoza mushya wa Manchester yavuze abakinnyi 4 akeneye cyane

Imyidagaduro   Yanditswe na: Dusingizimana Remy 13 May 2022

Umutoza mushya wa Manchester United,Erik Ten Hag,yemeje ko akeneye byihutirwa abakinnyi bane mu isoko ryo muri iyi mpeshyi mu rwego rwo kubaka iyi kipe yitwaye nabi muri uyu mwaka w’imikino.

Abakinnyi bane bazashyirwa imbere muri iyi mpeshyi barimo babiri bakina hagati, rutahizamu utyaye na myugariro wo hagati ufatanya na Varane.

United yiteguye kurekura umubare munini w’abakinnyi muri iyi mpeshyi, barimo abo izagurisha kubera kudatanga umusaruro n’abarangije amasezerano.

Umutoza wungirije w’igihe kirekire wa Ten Hag, Mitchell van der Gaag hamwe na Steve McLaren wahoze ari umutoza w’Ubwongereza bari mu nama yo kwiga uko bazagura abakinnyi bashya nabo bakeneye bari ku isoko.

Bivugwa ko iyi yabaye ku wa kane nyuma y’uko Ajax itwaye shampiyona y’Ubuholandi ya gatatu yikurikiranya.

Umukinnyi wa mbere United iri gukurikirana cyane n’Umuholandi Frenkie de Jong ukinira Barcelona.

Uyu musore akundwa cyane na Ten Hag ndetse ngo arifuza kumugira uwa mbere asinyishije akimara kugera muri United.

Amashitani atukura ashobora kwishyura kuri uyu mukinnyi miliyoni 70 z’amapawundi.

Nubwo de Jong abanza mu kibuga muri Barcelona,ikibazo cy’amafaranga ifite gishobora gutuma iteza utwo ifite cyane ko kuri uwo mwanya we ihafite Pedri na Gavi,bituma nihabwa amafaranga meza irekura uyu muholandi.

Kubera ko Ten Hag yerekeje muri United,birashoboka cyane ko De Jong yifuza kumusanga cyane ko yamenyekanye cyane azamuwe na Ten Hag muri Ajax.

Ten Hag yamenyesheje kandi abashakira United abakinnyi ko bakurikirana abakinnyi basoje amasezerano muri iyi mpeshyi barimo Ousmane Dembele na Paulo Dybala.

Ku bijyanye n’ubusatirizi, United ishobora kugura umukinnyi wa Ajax, Antony, ushobora kuba umukinnyi wa gatatu wa Ajax watojwe na Ten Hag ushobora kwerekeza muri United hamwe na De Jong.

Umutoza Ten Hag ntashaka gukorana na Anthony Martial, Eric Bailly na Marcus Rashford bashobora kuzahita bagurishwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

APR FC yongeye kubabaza Rayon Sports igera ku mukino wa nyuma w’Igikombe...

Ikipe ya APR FC yageze ku mukino wa nyuma w’igikombe cy’Amahoro nyuma yo...
19 May 2022 0

Idrissa Gana Gueye ari guhatirizwa gusaba imbabazi abatinganyi yanze...

Umuyisilamu wahisemo gukina umupira mu ikipe ya PSG,Idrissa Gana Gueye...
19 May 2022 0

Rutahizamu Joao Felix aravugwaho gutwarwa umukunzi na mugenzi...

Rutahizamu wa Atletico Madrid,Joao Felix aravugwaho kuba ari mu gahinda...
19 May 2022 0

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0