Umutoza Mauricio Pochettino uri hafi kwerekeza mu ikipe ya Chelsea nyuma yo kugirana ibiganiro n’abayobozi b’iyi kipe,yasabye ko agurirwa abakinnyi babiri ba Brentford ndetse n’umukinnyi mushya wo hagati ukomeye.
Biteganijwe ko uyu munya Argentine yemezwa nk’umutoza mushya wa Chelsea,ndetse ngo yatangiye gusaba abakinnyi yifuza.
Ikipe ya The Blues ishobora guhindura abakinnyi, bamwe bagasohoka abandi bakayerekezamo ubwo umutoza mushya azaba ageze mu ikipe.
Babiri mu bakinnyi ikipe ya (…)

Umutoza Mauricio Pochettino uri hafi kwerekeza mu ikipe ya Chelsea nyuma yo kugirana ibiganiro n’abayobozi b’iyi kipe,yasabye ko agurirwa abakinnyi babiri ba Brentford ndetse n’umukinnyi mushya wo hagati ukomeye.

Biteganijwe ko uyu munya Argentine yemezwa nk’umutoza mushya wa Chelsea,ndetse ngo yatangiye gusaba abakinnyi yifuza.

Ikipe ya The Blues ishobora guhindura abakinnyi, bamwe bagasohoka abandi bakayerekezamo ubwo umutoza mushya azaba ageze mu ikipe.

Babiri mu bakinnyi ikipe ya Chelsea yifuza n’abaturuka mu burengerazuba bwa London mu ikipe ya Brentford.

Ivan Toney, umukinnyi wa gatatu umaze gutsinda ibitego byinshi muri Premier League uyu mwaka, biravugwa ko yifuzwa na Chelsea.

Uyu musore w’imyaka 27 akinira Brentford kandi yazamutse vuba byihuse kuva mu makipe yo hasi mu gihe gito.

Amaze gutsinda ibitego 19 muri shampiyona uyu mwaka,arushwa na Erling Haaland ufite 33 na Harry Kane ufite 24.

Football London yatangaje ko iyi kipe ya Chelsea yifuza umunyezamu wa Brentford witwa David Raya.

Ikipe ya Chelsea ikeneye umuzamu uri ku rwego rwo hejuru kurusha Kepa Arrizabalaga mu gihe Edouard Mendy yashyizwe ku ruhande.

Ku rundi ruhande,ikinyamakuru Bild cyavuze ko Chelsea ishobora kurekura Mateo Kovacic akerekeza muri Bayern Munich nkuko ibihuha bikomeje kubivuga.

Umutoza bahoze bakorana Thomas Tuchel ngo aramwifuza cyane.