skol
Kigali
Fortebet

Uwakiniye Amavubi wavuzweho gusarishwa n’ibiyobyabwenge yanyomoje ayo makuru

Imyidagaduro   Yanditswe na: ISHIMWE JANE 14 July 2022

Ndatimana Robert wakiniye ikipe y’Amavubi mu Gikombe cy’Isi cy’abatarengeje 17 yahinyuje amakuru yamuvuzweho yo kuba yararwaye mu mutwe no kuba imbata y’ibiyobyabwenge, Mushiki we asaba ikintu gikomeye abantu by’umwihariko abakinanye na Robert cyane ko yanyuze no muyandi makipe atandukanye.


Robert ubwo yari mu Kiganiro na Isimbi Tv yabajijwe iby’amakuru yamuvuzweho ko yaba yararwaye mu mutwe ndetse akaba yaranabaswe n’ibiyobyabwenge ariko ahakana ayo makuru ndetse avuga ko kuba yaravuzweho ibihuha nk’ibyo byamugizeho ingaruka ndetse ko yashatse n’Ikinyamakuru yaha ikiganiro kugirango anyomoze ayo makuru.

Ati"Nabanje no kugenda nihisha kubera ko niba umuntu avuga ibintu nk’ibyo kandi wamufatiragaho urugero rwiza, na we aba yarangiye”

Gusa ku rundi ruhande ngo byamuhaga imbaraga zo kongera imyitozo kugira ngo ahinyuze uwamuvuzeho ayo magambo.

Robert avuga ko aramutse agize amahirwe yo kubona Ikipe akinira byamufashe ndetse akarushaho no kwagura impano ye.

Mushiki we nawe y’unze mu rya Musaza we ahinyuza ayo makuru ndetse avuga ko ari ibintu nawe bimutera guhangayika.

Uwera Josiane avuga ko uyu muvandimwe we yatangiye kugira ibibazo ubwo yakinaga muri Sunrise ubwo iyi kipe yangaga kubahiriza ibyo bari bagiranye mu masezerano ntimuhe amafaranga yo kumugura.

Ati “Noneho yakwishyuza bikaba ibibazo, ari na ho yatangiye kugirira gusubira inyuma yisanga n’umupira atakiwurimo, ubu akaba ari mu rugo yicaye ntacyo akora.”

Josiane uvuga ko musaza we asanzwe agira imico n’imyifatire byiza, avuga ko ubwo yishyuzaga uwari umuyobozi w’iyi kipe, ari we watangiye kumusebya avuga ko “Robert ari umusazi, ko anyway ibiyobyabwenge kandi muri ibyo byose byagiye bimugiraho ingaruka, nk’umuntu ku myaka ye ananirwa kubyakira.”

Avuga kandi ko ibi byakubitiyeho n’ibyo yagendaga avugwaho mu itangazamakuru, byose bikagenda bimugiraho ingaruka mu mitekerereze ye.

Josiane uvuga ko ubwo babonaga uyu muvandimwe wabo atangiye guhinduka mu myitwarire, bagiye kumupimisha ngo barebe niba atarasabitswe n’ibyobyabwenge bagasanga ntabimuri mu maraso, yavuze ko ashaka guhinyuza ibyamuvuzweho byose.

Ati “Ndashaka gukuraho urujijo mu itangazamakuru birirwa bavuga ngo ibiyobyabwenge byaramusajije, no, ntakibazo cy’ibiyobyabwenge Robert afite. Ni ikibazo gisanzwe cyo kuba yagira depression [agahinda gakabije]. Ikibazo afite ni ukwakira ibibazo byamubayeho byamuteye depression afite nk’ihungabana.”

Akomeza avuga ko yifuza kuvuza umuvandimwe we ariko akaba nta bushobozi afite akeneye andi maboko, avuga yaba abakinnyi bakinanye n’umuvandimwe we n’abandi bahuje imbaraga bamuvuza akongera akamera neza.

Ati “Nkeneye andi maboko tukunganirana nkaba nabona ubufasha mu buvuzi.”

Uretse kuba Robert yarakiniye ikipe y’Igihugu Amavubi mu gikombe cy’Isi cyabaye muri 2011 yanakiniye andi makipe akomeye hano mu Rwanda arimo Rayon Sports, Police FC, Bugesera FC, ndetse na Sunrise.

Author : ISHIMWE JANE

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rwatubyaye yaciye amarenga ko ashobora kongera gukina mu Rwanda

Myugariro Rwatubyaye Abdul bivugwa ko yatandukanye n’ikipe ya FC Shkupi yo...
8 August 2022 0

Rayon Sports yatangaje ikipe bazahura ku munsi mukuru wayo

Nyuma yo gutsinda Yanga SC ku munsi wayo ibitego 2-0,ikipe ya Vipers yo...
8 August 2022 0

Byabarenze bararwana ubwabo!!! Abafana ba Manchester United batangiye...

Ibintu bitangaje bikomeje kugaragara mu ikipe ya Manchester United kuko...
8 August 2022 0

U Rwanda habuze gato ngo rutware umudali mu mikino ya Commonwealth

Ikipe y’u Rwanda ya Beach Volley mu mikino ya Commonwealth Games yafashe...
8 August 2022 0

Manchester United yatangiye nabi cyane shampiyona,City yongera gukanga...

Ikipe ya Manchester United yatangiye umwaka w’imikino nabi nkuko yashoje...
7 August 2022 0

Chelsea na Liverpool ntabwo zanyuze abafana bazo ku munsi wa mbere wa...

Darwin Nunez yavuye ku ntebe y’abasimbura arokora Liverpool yari yahagamwe...
6 August 2022 0