Igitaramo cya Demarco cyabaye mu ijoro ryo kuri uyu wa 28 Mutarama 2023,cyitabiriwe n’abantu mbarwa muri Kigali Arena..
Muri iyi nyubako ya BK Arena isanzwe ijyamo ibihumbi 10, hari harimo abantu batageze no kuri 50 nkuko amakuru dukesha Inyarwanda abitangaza.
Saa yine nibwo MC Nario yatangije iki gitaramo, aganiriza abantu mbarwa bari bitabiriye.
Iki kinyamakuru kivuga ko abahanzi bamwe banze kuririmba, abaririmbye nabo babikora bameze nk’abari gutanga umugabo…
Abahanzi nyarwanda (…)

Igitaramo cya Demarco cyabaye mu ijoro ryo kuri uyu wa 28 Mutarama 2023,cyitabiriwe n’abantu mbarwa muri Kigali Arena..

Muri iyi nyubako ya BK Arena isanzwe ijyamo ibihumbi 10, hari harimo abantu batageze no kuri 50 nkuko amakuru dukesha Inyarwanda abitangaza.

Saa yine nibwo MC Nario yatangije iki gitaramo, aganiriza abantu mbarwa bari bitabiriye.

Iki kinyamakuru kivuga ko abahanzi bamwe banze kuririmba, abaririmbye nabo babikora bameze nk’abari gutanga umugabo…

Abahanzi nyarwanda icyenda nibo bari basigaye, muri 11 bari bateganyijwe gusangira urubyiniro na Demarco. Abo ni Bushali, Deejay Pius, Kivumbi, Ariel Wayz, Sintex, Spax, Dee RUG, Bishanya na Davy Ranks.

Uretse ubwitabire buke, abahanzi bagombaga kuririmba bose ntabwo bageze ku rubyiniro.

Mu icyenda bagombaga kuririmbira abitabiriye; Bushali, Ariel Wayz na Kivumbi nibo bahanzi nyarwanda baririmbye.

Saa sita na 23’ nibwo Demarco yageze ku rubyiniro. Yaririmbye ibihangano bye bitandukanye, akajya anyuzamo abwira abafana be ko yakunze u Rwanda. Yasoreje kuri “No Wahala” na “I Love My Life” zakunzwe cyane mu Rwanda.

Uyu muhanzi yaririmbye indirimbo zitandukanye ze, abona ntiziri gufata bake ‘beza bari bitabiriye’.

Kubera ko abanya Kigali bazi indirimbo ze nkeya,Demarco yitabaje indirimbo z’abandi bahanzi, ‘I Love My Love’ iba intero ye! Demarco byagaragaraga ko iby’abanya-Kigali byamucanze.

Uyu muhanzi yahisemo kwitabaza izindi ndirimbo z’abandi bahanzi zamenyekanye. Aha yaririmbye izirimo “I gotta feeling” ya Black Eyed Peas n’izindi zitandukanye.

Indirimbo yise ‘I Love My Life’ yayiririmbye kenshi, kuko ariyo yabonaga abitabiriye bakunze. Afatanya n’abari bitabiriye kuririmba.

Akandi gashya karanze iki gitaramo,bitandukanye no mu bindi bitaramo akenshi aho abahanzi bakunze kuririmba nyuma, kuri iyi nshuro batanguranwaga kujya ku rubyiniro kugira ngo bigendere.

Kwinjira ku baguze amatike mbere, byari 5 000 Frw, 10 000 Frw, 20 000 Frw na 30 000 Frw. Mu gihe abayaguriye ku muryango byagombaga kuba ari 10 000 Frw, 15 000 Frw, 25 000 Frw na 35 000 Frw.