Umuhanzi Clement Mutabaziuri kuzamuka mu muziki nyarwanda yashyize hanze indirimbo 2 yise "Nyumva" igamije kugarurira icyizere abagitakaje kubera amaganya y’isi.
Nyuma yo gukora indirimbo ye ya mbere yise "Kibamba" ari nayo yitiriye alubumu yose muri rusange,Mutabazi yashyize hanze n’iyi ya kabiri yise "Nyumva".
Aganira n’Umuryango,Mutabazi Clement yagarutse kuri iyi ndirimbo ati "Iyi ndirimbo ikubiyemo ubutumwa bwo guha abantu icyizere, bahura n’urucantege umunsi ku munsi yaba ari mu (...)

Sponsored Ad

Umuhanzi Clement Mutabaziuri kuzamuka mu muziki nyarwanda yashyize hanze indirimbo 2 yise "Nyumva" igamije kugarurira icyizere abagitakaje kubera amaganya y’isi.

Nyuma yo gukora indirimbo ye ya mbere yise "Kibamba" ari nayo yitiriye alubumu yose muri rusange,Mutabazi yashyize hanze n’iyi ya kabiri yise "Nyumva".

Aganira n’Umuryango,Mutabazi Clement yagarutse kuri iyi ndirimbo ati "Iyi ndirimbo ikubiyemo ubutumwa bwo guha abantu icyizere, bahura n’urucantege umunsi ku munsi yaba ari mu bijyanye no gushakisha ubuzima cyangwa mu bindi bitandukanye.

Hari igihe umuntu aba yibonamo impano runaka cyangwa ikindi kintu gusa rubanda bo bakaba batarahumuka amaso ngo babibone bityo bikaba imbarutso yo guhora bamuca intege mu buryo bwo kumubwira amagambo ndetse no kumukorera ibikorwa bimusubiza inyuma."

Akomeza agira ati "gusa nkomeza mbwira buri wese uri muri ibyo bihe ko aba akwiye guha agaciro cyane icyo yibonamo kuko byanze bikunze n’abandi baba bazageraho bakakibona iyo adacitse intege."

Muri iyi ndirimbo hari aho aririmba ati"Bambwira ko ntazahagera,ko ibyo nakora byose ntawe uzabimenya,ko ndi inyatsi.Akomeza agira ati "Gusa iyo ndota mba nibona,Kigali yose iri kubibona nzahagera."

Iyi ndirimbo ya kabiri Mutabazi yashyize hanze,izaba iri kuri alubumu ye ya mbere "Kibamba", izaba igizwe n’indirimbo 12, zose zizajya hanze muri uyu mwaka.

Indirimbo ziri kuri iyi alubumu zikubiyemo ubutumwa busubizamo icyizere abantu bagitakaje ndetse n’abibona nk’abanyentege nke.

Mu gusoza yabwiye UMURYANGO ati "Ndifuza ko abanyarwanda banshyigikira ubu butumwa bukagera kuri benshi kuko nziko hari benshi babukeneye."

REBA INDIRIMBO "NYUMVA"YA MUTABAZI CLEMENT