skol
Kigali

Nicki Minaj yanze gufata urukingo rwa Covid-19 kubera ibyo rwakoreye uwo baziranye

Imyidagaduro   Yanditswe na: Dusingizimana Remy 15 September 2021

Umuhanzikazi Nicki Minaj wo muri Amerika, wamamaye mu njyana ya Rap na Pop yavuze ko adashaka gukingirwa mbere yo gukora ubushakashatsi mu butumwa yatanze ku rubuga rwe rwa Twitter,ku ya 14 Nzeri 2021.


Uyu muhanzikazi wangiwe kwitabira ikirori gikomeye cyitabirwa n’ibihangange cya MET gala kubera ko yanze kwikingiza Covid-10 cyane ko uburenganzira bwahawe gusa abakingiwe.

MET gala ni kimwe mu birori biba buri mwaka muri USA. Ariko uyu mwaka, Nicki Minaj yahisemo kutitabira kubera ko atarakingirwa nkuko yabivuze ku rubuga.

Kuri we, MET gala ntabwo ari impamvu ihagije yatuma afata urukingo. Ati: "kuba nafata urukingo ntabwo bizaba bitewe na Met. Ibi bizaba nyuma yo gukora ubushakashatsi buhagije. Ubu ndimo kubikoraho. ”

Asubiza abamunze ku rubuga, Nicki Minaj yavuze ko hari mubyara wewananiwe gutera akabariro neza nyuma yo gukingirwa kandi ngo yaburaga ibyumweru bike ngo ashyingirwe.

Umukobwa bifuzaga kurushinga yahinduye ibitekerezo kubera iyo mpamvu kandi ngo ubu ntagishaka kurongora. Amagambo y’uyu umuhanzi yanenzwe na benshi ndetse na bimwe mu binyamakuru byo muri Amerika.

Nicki Minaj, umwe mu bahanzi b’abakobwa bazwi cyane ku isi, yabwiye abamukurikira kuri Twitter basaga miliyoni 22.6 ati: "Mubyara wanjye wo muri Trinidad ntazafata urukingo kubera ko inshuti ye yarubonye maze inanirwa kongera gutera akabariro."

Icyakora Nicki Minaj yavuze ko atagamije gushishikariza abantu kudakingirwa, yongeraho ko buri wese agomba gukora ibimukwiriye.Gufata inkingo byakajije umurego mu byumweru bishize mu Burengerazuba bw’isi aho hafashwe icyemezo cyo gukumira abantu batakingiwe mu bihugu byinshi.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Isaro risusurutsa Umutima wanjye"-Mu magambo yuzuye imitoma Riderman...

Kuwa 16 Kanama 2015 ni umunsi w’amateka atazibagirana kuri Gatsinzi Emery...
26 October 2021 0

"Kumva Fatakumavuta ni nko kurya Isamake, byose bigusaba Kujonjora"-Bruce...

Uko iminsi igenda ishira, uruganda rw’imyidagaduro mu Rwanda rukomeza gukura...
22 October 2021 1

Amateka y’umuhanzikazi w’umunyabigwi Cecile Kayirebwa wujuje imyaka 75...

Umuririmbyi, umusizi, umubyinnyi, n’umwanditsi w’indirimbo…uyu ni umwe mu...
22 October 2021 0

Hashyizwe hanze amabwiriza agenga abitabira amakoraniro n’Utubyiniro

Nyuma y’aho Inama y’Abaminisitiri yanzuye ko utubyiniro n’ibitaramo...
15 October 2021 0

Abantu 113 barimo Papa Cyangwe bafashwe barenze ku mabwiriza yo kwirinda...

Umuraperi Papa Cyangwe n’umuhanzikazi Ariel Wayz bari mu bantu 113 bafashwe...
10 October 2021 0

Indirimbo ya Meddy yakunzwe cyane yasibwe kuri You Tube

Indirimbo umuhanzi Meddy yafatanyije na Otile Brown wo muri Kenya "Dusuma"...
7 October 2021 0