Umuraperi Danny Nanone arafunzweho aho akurikiranyweho icyaha cyo gukubita no gukomeretsa ku bushake.
Urwego rw’Igihugu rw’Ubugenzacyaha rwemeje ko rwafunze uyu muraperi mu ijoro ryakeye tariki ya 19 Nzeri 2022 aho akurikiranyweho gukubita umugore w’imyaka 30 bitewe n’amakimbirane bagiranye.
Amakuru y’itabwa muri yombi ry’uyu muhanzi yahamijwe na Dr. Murangira B. Thierry Umuvugizi w’Urwego rw’Igihugu rw’Ubugenzacyaha RIB.
Yagize ati: “Nibyo koko, aracyekwaho icyaha cyo gukubita no (…)

Umuraperi Danny Nanone arafunzweho aho akurikiranyweho icyaha cyo gukubita no gukomeretsa ku bushake.

Urwego rw’Igihugu rw’Ubugenzacyaha rwemeje ko rwafunze uyu muraperi mu ijoro ryakeye tariki ya 19 Nzeri 2022 aho akurikiranyweho gukubita umugore w’imyaka 30 bitewe n’amakimbirane bagiranye.

Amakuru y’itabwa muri yombi ry’uyu muhanzi yahamijwe na Dr. Murangira B. Thierry Umuvugizi w’Urwego rw’Igihugu rw’Ubugenzacyaha RIB.

Yagize ati: “Nibyo koko, aracyekwaho icyaha cyo gukubita no gukomeretsa ku bushake umugore w’imyaka 30”.

Biravugwa ko uyu mugore Danny Nanone akurikiranyweho gukubita no gukomeretsa ari uwo babyaranye, bari banaherutse gushyamirana mu 2016 ubwo nanone byaviragamo uyu muhanzi gutabwa muri yombi.

Danny Nanone akaba acumbikiwe kuri Sitasiyo ya RIB Kicukiro mu gihe iperereza rigikomeje.

Mu gihe yahamwa n’icyaha, yahanwa n’itegeko nimero 68/2018 ryo ku wa 30 Kanama 2018 riteganya ibyaha n’ibihano muri rusange.

Iri tegeko rivuga ko uwahamijwe iki cyaha n’Urukiko ahanishwa igifungo kitari munsi y’imyaka itatu ariko kitarenze imyaka itanu n’ihazabu ry’amafaranga atari munsi ya miliyoni eshanu ariko zitarenze miliyoni 10Frw.