skol
Kigali

Dore ubwoko bw’ibiribwa 5 bwagufasha kongerera ubudahangarwa "Abasirikare"umubiri wawe

Opinion   Yanditswe na: 2 May 2017

Ese ubudahangarwa bw’umubiri ni iki?Iyo tuvuze ubudahangarwa bw’umubiri cyangwa abasirikare b’umubiri tuba tuvuze insoro zera (globules blancs/white blood cells) zifasha umubiri wacu guhangana n’indwara zinyuranye cyane cyane iziterwa na mikorobi.Iyo izi nsoro cyangwa se aba basirikare zagabanyutse nibwo bushobora gutera umubiri wacu kwibasirwa n’indwara kuko ingufu zo guhangana ziba zagabanutse.

Ese wari uzi ko hari imboga n’imbuto wakwibandaho mu mirire kugira ngo ubudahangarwa bwawe bwiyongere ?

Ipapayi

Buriya mu ipapayi imwe, usangamo 224% za vitamini C ukeneye ku munsi. Iyi vitamini izwiho kurwanya indwara ziterwa na mikorobi, kongerera ingufu umubiri, by’umwihariko kurwanya inkorora n’ibicurane.

Ubunyobwa

Iyo tuvuga ubwirinzi, ntitwibagirwa vitamini E. Ubunyobwa rero mu bwoko bwabwo bunyuranye bukungahaye kuri iyi vitamin. Icyiza cyayo nuko yo ibikika mu mubiri, bityo ntibisaba ko warya ubunyobwa buri munsi. Kuko ibaye nyinshi nabyo si byiza. Kuburya 2 cyangwa 3 mu cyumweru birahagije.

Epinard

Izi ni imboga ziboneka henshi gusa benshi bazikoresha mu isombe. Zikize na zo kuri vitamin C. Zinakize kandi kuri beta-carotene, yongera ubudahangarwa bw’umubiri bwo guhangana n’indwara ziterwa na mikorobi. Kuziteka ntizishye cyane bituma vitamin A igumamo ahubwo bikagabanya oxalic acid. Ni imboga nziza kandi ku mwana uri kwiga kurya kuko ibibabi byazo nta dutsi dukomeye tubamo bityo bikoroshya igogorwa, no kuzisya cyangwa kuzinomba bikoroha.

Tangawizi

Iki kirungo gikoreshwa akenshi mu cyayi, inafasha guhangana n’inkorora. Tangawizi rero ikize kuri vitamin C, kandi inarimo capsaicin, izwiho guhangana n’uburibwe bwa karande nk’ubukomoka ku mpanuka cyangwa kanseri.Kuyikoresha bituma ubwo buribwe bugabanuka,bikanatuma ubudahangarwa bw’umubiri bwiyongera.

Tungurusumu

Ubu ahantu henshi basigaye bakoresha tungurusumu ku byo kurya. Kuba tungurusumu yongera ingufu z’abasirikare b’umubiri biva ku kuba ikize kuri allicin, ikinyabutabire kirimo sulfur/soufre. By’umwihariko, tungurusumu ikaba izwiho guhangana n’umuvuduko udasanzwe w’amaraso.

Poivron

Poivron cyane cyane izitukura zifite vitamin C ikubye kabiri iboneka mu ndimu cyangwa amacunga. Kuzirya si ukuzikaranga, ushobora kuzikatira ku byo kurya bihiye cyangwa ukayishyira kuri salade. Aha twibutseko izi poivron turya ari icyatsi burya ari iz’umutuku ziba zitarera neza. Kuzirya ari icyatsi ntacyo bihindura ku kamaro.

Ibyo kurya byo mu bwoko bwa citron.

Ibi birimo indimu, icunga na mandarine.Izi mbuto zikungahaye kuri vitamini C kandi izwiho kongera ubwinshi bw’insoro zera. Kuko umubiri wacu utabasha gukora iyi vitamini cyangwa ngo uyibike, bisaba ko buri munsi turya ibyo ibonekamo.

Ni byiza ko abantu basobanukirwa n’ibyo kurya byabafasha kuzamura ubudahangarwa,gusa ushobora kubirya nabi,cyangwa igogorwa ryabyo ntirikorwe neza bigatuma umubiri utabonamo ibikenewe.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

IGITEKEREZO: Kuki abantu badakabya mu rukundo aribo bashaka vuba kurusha...

Burya abantu bagira urukundo rwinshi gusa kugira amahitamo birabagora.Nshingiye
22 July 2021 0

Ikibazo cy’abatuye Bannyahe ni ihurizo kuri Busingye, ava indi imwe na nyiri...

Hamaze iminsi havugwa ikibazo cyo mu midugudu ya Kibariro ya I, Kangondo...
27 April 2019 4

Uko mbibona: Uganda yiteguye intambara, u Rwanda narwo ruriteguye, ese iyi...

Mu myaka ya za 90 habayemo byinshi byerekana ko harri umubano mwiza hagati...
17 April 2019 11

Icyo Kwibuka Jenoside yakorewe Abatutsi bimariye Abanyarwanda

Kwibuka Jenoside yakorewe Abatutsi ni igikorwangarukamwaka gifasha...
7 April 2019 1

Itandukaniro riri hagati ya Jenoside n’intambara ndetse n’ubwicanyi...

Mu gihe u Rwanda rwatangiye icyumweru cyo kwbuka Jenoside yakorewe Abatutsi...
7 April 2019 1

Icyo Jenoside aricyo ndetse n’intambwe nyamukuru zituma ibaho

Jenoside ni ubwicanyi ndengakamere butegurwa bugakorerwa itsinda...
7 April 2019 1