skol
Kigali
Fortebet

Sobanukirwa ibyiza byo kunywa amazi y’akazuyazi n’akamaro kayo mu mubiri wawe

Ubuzima   Yanditswe na: Rebecca UFITAMAHORO 16 December 2021

Abantu benshi bavuga ko kunywa amazi ari ikintu cyiza kuko afite akamaro gakomeye, icyakora ngo kuyanywa ari akazuyazi byagirira umubiri neza kuruta kuyanywa akonje.


Ibyiza ni ukunywa amazi y’akazuyazi ariko adashyushye cyane, mbese afite igipimo cy’ubushyuhe kiri hasi ya ‘degire selisiyusi’ 65 (< 65°C), ayo mazi ngo asukura umubiri agatuma usohora imyanda yose, ndetse akanafasha utunyangingo tw’umubiri kudasaza imburagihe.

Amazi y’akazuyazi kandi nk’uko bisobanurwa ku rubuga https://www.chateaudeau.com, atuma uruhu rw’umuntu rugira ubuzima bwiza, kuko afungura utwenge tw’uruhu, tugasohora imyanda, uruhu rukaba rushobora gukweduka uko bikwiriye.

Kunywa amazi y’akazuyazi kandi bifasha mu migendekere myiza y’igogora, mu gihe umuntu yayanyoye amaze kurya, bitandukanye no kunywa amazi akonje nyuma yo kurya, kuko byo bituma ibinure byo mu byo kurya bigenda byitsindagira ku mara.

Kunywa amazi y’akazuyazi kandi bifasha abantu bakunda kubabara umutwe, kuko bifasha amaraso gutembera neza mu mitsi, umwuka (oxygène) ukagera ku bwonko neza, uko kuba umwuka ugera ku bwonko bitabanje kugora imitsi, kandi uwo mwuka ukagera ku bwonko uhagije, bigabanya ububabare.

Kunywa amazi y’akazuyazi kandi byoroshya ibicurane, kuko bituma mu mazuru hafunguka, umuntu agashobora guhumeka neza, ndetse bikamukiza no kubabara mu muhogo cyane mu gihe arwaye ‘grippe’.

Ku rubuga https://www.santeplusmag.com, bavuga ko amazi y’akazuyazi ari umuti Abashinwa n’Abahinde bakoreshaga guhera mu myaka ya cyera cyane. Ayo mazi yongerera umubiri ubushyuhe, bigatuma imikaya yoroha igakora neza ndetse n’ingingo zose z’umuntu zikamererwa neza.

Kunywa amazi y’akazuyazi kandi bifasha abantu bakunda kugira ikibazo cy’impatwe ndetse akanasukura inzira y’igogora, yorohereza abantu bajya mu mihango bakababara.

Kunywa amazi y’akazuyazi arimo indimu mu gitondo, byafasha abantu bifuza kugabanya ibiro, kuko agenda agashongesha ibinure byitsindagiye mu mubiri, agatuma impyiko zikora akazi kazo neza, zigasohora imyanda ndetse n’ibyo binure, ibiro bikagenda bigabanuka. Atuma kandi amaraso atembera mu mubiri neza, akanarinda umuntu gusaza imburagihe.

Ku rubuga https://www.exquado.com, bavuga ko kunywa amazi y’akazuyazi bifasha umubiri w’umuntu kumererwa neza muri rusange, ariko by’umwihariko ngo bifasha abantu bakunda kugira umwuka wo mu kanwa uhumura nabi, iyo bayanyoye mu gitondo bifasha mu gukemura icyo kibazo.

Ikindi ngo bituma umuntu agira imisatsi myiza ndetse n’uruhu rumeraho umusatsi rukagira ubuzima bwiza, kuko n’ubundi muri rusange ayo mazi atuma uruhu rw’umubiri w’umuntu rwose ruhumeka neza.

Ikindi cyiza cyo kunywa amazi y’akazuyazi cyane cyane mu gitondo, ngo ni uko yongerera umubiri ubudahangarwa, bigatuma atarwaragurika.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Umugabo wari wararanye n’uwahoze ari umugore we muri Hotel yasanzwe...

Umugabo wari wari wararanye n’uwahoze ari umugore we mu macumbi y’akabari...
5 August 2022 0

Rurangiranwa muri Basketball yakatiwe gufungwa imyaka 9 azira gufatanwa...

Urukiko rwo mu Burusiya, kuri uyu wa kane rwaciriye umunyamerikakazi...
5 August 2022 0

Leta y’u Rwanda yatangaje ko hagiye gutangwa urukingo rwa 4 rwa...

U Rwanda rwatangaje ko guhera tariki 8 Kanama 2022, gahunda yo gutanga dose...
5 August 2022 0

Huye: Umugabo aremera ko yakubise umugore we isuka mu mutwe amuziza ko...

Umugabo wo mu Murenge wa Gishamvu mu Karere ka Huye, akurikiranyweho icyaha...
3 August 2022 0

Umwana w’imyaka 17 arakekwaho kwica mubyara we w’imyaka 31 bapfa gucomeka...

Mu Gihugu cya Kenya mu Ntara ya Nandi haravugwa inkuru y’umwana w’imyaka 17...
12 July 2022 0

Niba ufite iyi myitwarire, menya ko ufite ubu bwoko bw’amaraso

Mu bihugu byinshi bitandukanye nk’ubuyapani ubwoko bw’amaraso ni kimwe mu...
1 July 2022 0