Nta gushidikanya ko buri wese azi akamaro ko gukora siporo mu buzima bwa muntu ariko siko buri siporo igira akamaro ndetse buriya hari izigira kenshi kurusha izindi.
Tugiye kugaruka kuri siporo ya mu gitondo, izuba ritarakara,hagihehereye
Mbere ya byose,iyi siporo ni urufunguzo rw’akanyamuneza k’umunsi wose.
Abajya ku kazi barangije siporo ya mu gitondo bavuga ko bagakora neza kurushaho kuko iyo siporo ya mu gitondo ngo izamura imisemburo ya ‘endorphines’ irwanya ‘stress’, ikarinda (…)

Nta gushidikanya ko buri wese azi akamaro ko gukora siporo mu buzima bwa muntu ariko siko buri siporo igira akamaro ndetse buriya hari izigira kenshi kurusha izindi.

Tugiye kugaruka kuri siporo ya mu gitondo, izuba ritarakara,hagihehereye

Mbere ya byose,iyi siporo ni urufunguzo rw’akanyamuneza k’umunsi wose.

Abajya ku kazi barangije siporo ya mu gitondo bavuga ko bagakora neza kurushaho kuko iyo siporo ya mu gitondo ngo izamura imisemburo ya ‘endorphines’ irwanya ‘stress’, ikarinda umuntu kwiriranwa umunabi, ahubwo akumva yishimye.

Bimwe mu byiza bya siporo ya mu gitondo:

Siporo ya mu gitondo ibafasha mu gutwika ibinure bidakenewe mu mubiri, kuko umuntu aba ayikoze atararya.

Umuntu ukoze siporo mu gitondo asinzira neza nijoro.

Siporo ya mu gitondo ifasha gukangura umubiri buhoro buhoro,imikaya ndetse n’umutima.

Siporo ya mu gitondo ni nziza iyo ntacyo umuntu arashyira mu nda,kuko ifasha abantu bifuza gutakaza ibiro.Gusa ngo ntibagombye gukora siporo nyinshi inshuro irenze imwe mu cyumweru.

Icyitonderwa

Si byiza gukora siporo mu masaha akuze y’umugoroba nyuma ya saa moya (19h), kuko ngo uko amasaha yo gusinzira agenda yegereza, umubiri ugenda ukonja, kandi siporo yo ikora ikinyuranyo, ahubwo ikawushyushya, ngo ni yo mpamvu ari byiza gukora siporo mu gitondo nk’uko bisobanurwa ku rubuga https://conseilsport.decathlon.fr.

Si byiza gukora siporo zikomeye mu gitondo kuko nta kintu umuntu aba yari yarya. Siporo ya mu gitondo ntiyagombye kurenza iminota iri hagati 30 -45.

Kugira ngo umuntu abone umusaruro wo gukora siporo mu gitondo, bisaba ko abikora abikunze, abyishimiye, adahatiriza, kuko iyo bisaba kwihatiriza ntacyo bimugezaho, nk’uko bisobanurwa ku rubuga https://www.smatis.fr.