skol

Ghana: Afite nyababyeyi ebyiri, inkondo z’umura ebyiri, n’ibitsina bibiri

Ubuzima   Yanditswe na: Dusingizimana Remy 24 March 2022

"Izina ryanjye ni Elizabeth Amoaa - umugore ufite nyababyeyi ebyiri, inkondo z’umura ebyiri, n’imiyoboro ibiri y’igitsina." Uko ni ko uyu mugore w’imyaka 38 w’Umunya-Ghana yabwiye umunyamakuru Favour Nunoo wo mu ishami rya BBC Pidgin, mu kiganiro bagiranye mu murwa mukuru Accra.

Imvugo ye yumvikana nkaho kuba ateye uko nta cyo bimubwiye, mu gihe asobanura ukuntu yagiye ahura n’ibibazo bijyanye n’iyo miterere y’ubuzima bwe idasanzwe.

Ubwo yari afite imyaka 32 ni bwo abaganga batahuye ikitameze neza ku mubiri we.

Madamu Amoaa, ubu uba mu Bwongereza, avuga ko yamaze imyaka ababara cyane mu nda ku buryo akenshi byamubuzaga gukora, mbere yuko asanganwa iyi miterere idasanzwe ya nyababyeyi izwi nka ’uterus didelphys’ - rimwe na rimwe yitwa kugira nyababyeyi ebyiri, imiterere y’imbonekarimwe umuntu avukana.

Yaranatwise abyara umukobwa utagejeje igihe gisanzwe cyo kuvukiraho mu 2010 ataratahurwamo iyo miterere idasanzwe.

Yari agishobora kujya mu mihango (ubutinyanka mu Kirundi) igihe yari atwite, kuko umwana yari arimo gukurira muri nyababyeyi ye y’iburyo ifite ubuzima bwiza kurushaho.

Yabwiye umunyamakuru ati: "Nshobora gutwitira muri nyababyeyi yanjye y’iburyo kandi nkanakomeza kujya mu mihango mu y’ibumoso. Iyi ni yo mpamvu ubwo nari ntwite umukobwa wanjye nabonaga amaraso [y’imihango]."

Nyuma yo kubagwa, kunyuzwa mu cyuma no gufata imiti inshuro nyinshi, mu mwaka wa 2015 yaje gusobanukirwa ibyari birimo kuba ku mubiri we.

Ubu Madamu Amoaa arashaka ko isi imenya iyi miterere ye, kugira ngo abandi bagore bameze nka we batabibabariramo.

Yabwiwe nabi ubwo yatangazaga bwa mbere iby’imiterere ye idasanzwe abivugira kuri radio yo muri Ghana, ariko yiyemeje gusobanurira abantu ibyayo.

Yashinze umuryango ufasha witwa ’Speciallady Awareness’ ndetse yandika n’igitabo, cyatangajwe mu kwezi kwa cumi na kumwe mu 2021, kivuga ku byo yanyuzemo.

Yabwiye BBC ati: "Inama ngira abagore barimo kunyura mu miterere nk’iyanjye ni: mwiceceka; mwibabara bucece; mwisuzumishe hakiri kare kandi mushake ubuvuzi bukwiye - kandi mwibuke [ibi], murihariye."

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugabo ubana n’ubumuga yakoze ubukwe bw’igitangaza bwitabiriwe n’abakomeye...

Ku wa gatandatu, tariki ya 24 Gicurasi 2022, abantu babarirwa mu magana...
17 May 2022 0

Umunyamakuru wa Goodrich yatabarutse mu buryo butunguranye

Umunyamakuru wa Televiziyo Coodrich ikorera mu Rwanda, yapfuye mu buryo...
16 May 2022 0

Umukunzi wa Miss Nishimwe Naomie yiyemeje kwibera mu Rwanda...

Umusore witwa Michael Tesfay wari usanzwe uba mu mahanga,yiyemeje kwibera...
14 May 2022 0

Umushoferi yabaye inyangamugayo ku mafaranga yatoraguye bimuviramo imigisha...

Umushoferi wa tagisi muri Gana yashimiwe ubunyangamugayo bwe nyuma yo...
13 May 2022 0

Umugore yahishuye isomo rikomeye yigiye mu guhinduranya abagabo 8 mu mwaka...

Umugore ukomoka muri Amerika witwa Laura Williams avuga ko yabayeho mu...
12 May 2022 0

Ngoma:Umukobwa wendaga kuba umubikira yatorotse ikigo asiga urwandiko...

Umukobwa w’imyaka 25 y’amavuko ukomoka muri Repubulika Iharanira Demokarasi...
11 May 2022 0