skol

Malala wakoze amateka yo kwegukana igihembo cy’amahoro Nobel akiri muto,yashyingiwe

Ubuzima   Yanditswe na: Dusingizimana Remy 10 November 2021

Malala Yousafzai wahawe igihembo cy’amahoro cyitiriwe Nobel "yashyingiranwe" n’umukunzi we mu birori bya kisilamu byabereye i Birmingham mu Bwongereza.

We na Asser Malik bakoze uyu muhango witwa nikkah, aho umukwe n’umugeni we bemera ko bashyingiwe.

Malala ubu w’imyaka 24 yatangaje ko uyu ari "umunsi w’agaciro" mu buzima bwe.

Uyu mukobwa wo muri Pakistan yabonye ubuhungiro mu Bwongereza nyuma y’uko mu 2012 arashwe n’Abatalibani agakomereka bikomeye mu mutwe.

Kuwa kabiri, yanditse kuri Twitter ati: "Njyewe na Asser twiyemeje kubana ubuzima bwose", avuga ko bakoze "umuhango muto wa nikkah hamwe n’umuryango".

Yongeraho ati: "Twishimiye cyane kugendana mu rugendo ruri imbere".

Ubwo yari afite imyaka 15, Malala yibasiwe n’Abataliban kubera kuvuga aharanira uburenganzira bwo kwiga ku bakobwa.

Yarokotse igitero, aho umurwanyi w’Abataliban yinjiye mu modoka (bus) yamujyanaga ku ishuri iwabo mu majyaruguru ashyira uburengerazuba maze akarasa, agakomeretsa Malala n’inshuti ze ebyiri.

Nyuma yo gukira ibikomere yagize, we n’umuryango we bimukiye i Birmingham, aho nyuma yise ko ari iwab ha kabiri.

Ku myaka 17, yabaye umuntu wa mbere ukuri muto wahawe igihembo cy’amahoro cyitiriwe Nobel.

Yakomeje amashuri yiga muri kaminuza ya Oxford, kandi akomeza kuba impirimbanyi ikomeye y’uburenganzira bwa muntu.

Kuva yarangiza kaminuza, Malala yaharaniye ubufasha bukwiriye ku mpunzi zo muri Afghanistan, yasinye amasezerano na Apple TV+ yo gukora inkuru mbarankuru (documentaries) ndetse yabonetse ku rupapuro rw’ibanze rwa British Vogue, anakomeza guharanira uburenganzira bw’uburezi ku bakobwa.

Nubwo nikkah atari umuhango wemewe n’amategeko, niyo ntambwe ya mbere yo gushyingirwa mu idini ya Islam.

Umuhango ukurikiraho akenshi ubera mu muhezo, kandi Malala ntiyavuze niba barakoze gushyingirwa kugenwa n’amategeko mu Bwongereza.

Mbere, Malala yari yaragiye avuga ibintu bibi abona mu gushyingirwa.

Mu kiganiro na Vogue mu kwezi kwa karindwi, yagize ati: "Kugeza n’ubu sinumva impamvu abantu bashyingirwa."

Yongeyeho ati: "Niba ushaka kugira umuntu mu buzima bwawe, kuki ugomba gusinya impapuro zo gushyingirwa, kuki bitaba gusa kwiyumvikanira?"

"Mama aba avuga ati....’Ntukavuge ibintu nk’ibyo! Ugomba gushyingirwa, gushyingirwa ni byiza’."

Amakuru y’ibirori bye yishimiwe n’abantu ibihumbi bibarirwa muri za mirongo ku mbuga nkoranyambaga, benshi bamwifuriza urugo ruhire.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Byiringiro Lague yasubukuye ubukwe bwe n’umukunzi we Kelia [AMAFOTO]

Rutahizamu Byiringiro Lague uheruka gutsinda igitego cyiza cyane RS Berkane...
7 December 2021 0

Umunyamakurukazi Cyuzuzo Jeanne d’Arc yambitswe impeta [AMAFOTO]

Umunyamakurukazi wa Radio Kiss Fm, Cyuzuzo Jeanne d’Arc yambitswe impeta...
6 December 2021 0

Umunyamideli yavuze akaga yahuye nako kubera gukundana n’ibyamamare birimo...

Uwahoze ari umukunzi w’igikomangoma Harry yavuze ko "ari umunyamahirwe" kuba...
21 November 2021 0

Umunyamakuru Khenzman yasezeranye kubana akaramata n’umukunzi we...

Umunyamakuru akaba n’umuyobozi ushinzwe kwamamaza ibikorwa by’uruganda rwa...
20 November 2021 0

Umunyamakuru Janvier Popote n’umufasha we Allen baryohewe n’ukwezi kwa Buki...

Umunyamakuru uri mu bakundwa na benshi mu Rwanda,Nshimyumukiza Janvier...
19 November 2021 0

Hon.Bamporiki yahaye igisubizo abavuga ko kwambara Bikini mu marushanwa...

Umunyamabanga wa Leta muri Minisiteriy’Urubyiruko n’Umuco, Bamporiki...
19 November 2021 0