Minisitiri w’Intebe wa New Zealand (Nouvelle-Zélande) Jacinda Ardern, yahagaritse ugushyingirwa kwe nyuma yo gutangaza ingamba nshya zo kwirinda COVID-19.
Nk’uko yabitangarije abanyamakuru kuri iki Cyumweru, byitezwe ko iki gihugu cyose cyinjira mu ngamba za mbere zikaze zo kwirinda COVID-19 nyuma yuko habonetse ubwoko bushya bwa Omicron.
Ardern yemereye abanyamakuru kko gushyingiranwa kwe n’umunyamakuru wa Televiziyo Clarke Gayford kutakibaye. Basanzwe bariyemeje kubana nk’umugore n’umugabo (...)

Sponsored Ad

Minisitiri w’Intebe wa New Zealand (Nouvelle-Zélande) Jacinda Ardern, yahagaritse ugushyingirwa kwe nyuma yo gutangaza ingamba nshya zo kwirinda COVID-19.

Nk’uko yabitangarije abanyamakuru kuri iki Cyumweru, byitezwe ko iki gihugu cyose cyinjira mu ngamba za mbere zikaze zo kwirinda COVID-19 nyuma yuko habonetse ubwoko bushya bwa Omicron.

Ardern yemereye abanyamakuru kko gushyingiranwa kwe n’umunyamakuru wa Televiziyo Clarke Gayford kutakibaye. Basanzwe bariyemeje kubana nk’umugore n’umugabo (ni aba fiancés) ndetse banafitanye umwana w’umukobwa w’imyaka itatu.

Yagize ati: “Nta ho ntandukaniye n’abandi, reka ntinyuke mbivuge, n’Abanya-New Zealand bandi babarirwa mu bihumbi bahuye n’ingaruka zikaze kurushaho kubera icyorezo, ikaze cyane muri zo ikaba ari ukudashobora kuba hamwe n’umukunzi rimwe na rimwe igihe barwaye barembye”.

Yongeyeho ati: “Ubukwe bwanjye ntibuzaba… Ibyo bizarenga kure cyane akababaro ako ari ko kose ngira”.

Izo ngamba nshya zo kwirinda COVID-19 ziratangira saa sita z’ijoro kuri iki cyumweru ku isaha yaho, ni ukuvuga saa saba z’amanywa (13h) ku isaha yo mu Rwanda no mu Burundi.

Ingamba zirimo nko kutarenza abantu 100 bakingiwe bateraniye ahantu hamwe no kwambara agapfukamunwa mu maduka no mu buryo bwa rusange bwo gutwara abantu.

Kuva iki cyorezo cyatangira, New Zealand imaze gutangaza abantu 15,552 banduye COVID-19 n’abantu 52 bishwe n’iyi virusi.