skol
fortebet

Umunyamakuru MC Hero n’Umukunzi we Ruth bateye indi ntambwe ikomeye mu rukundo rwabo rumaze imyaka 20 [AMAFOTO]

Yanditswe: Monday 17, Jan 2022

featured-image

Sponsored Ad

Umunyamakuru akaba n’umushyushyarugamba Gasore Albert wamenyekanye nka ’MC Hero’ yamaze kwerekanwa mu rusengero we n’umukunzi we Tuyisingize Ruth bamaze imyaka 20 bakundana.
Aba bombi banashyize hanze integuza y’ubukwe bwabo buzaba kuwa 20 Werurwe 2022 aho bazagaragariza isi yose ko bagiye kubana akaramata.
Umunyamakuru MC Hero n’umukunzi we berekanwe mu rusengero rw’Abadivantiste b’umunsi wa 7 rwa Gahogo mu Karere ka Muhanga kuri iki cyumweru Tariki ya 16 Mutarama 2022.
Mu kiganiro yahaye (...)

Sponsored Ad

Umunyamakuru akaba n’umushyushyarugamba Gasore Albert wamenyekanye nka ’MC Hero’ yamaze kwerekanwa mu rusengero we n’umukunzi we Tuyisingize Ruth bamaze imyaka 20 bakundana.

Aba bombi banashyize hanze integuza y’ubukwe bwabo buzaba kuwa 20 Werurwe 2022 aho bazagaragariza isi yose ko bagiye kubana akaramata.

Umunyamakuru MC Hero n’umukunzi we berekanwe mu rusengero rw’Abadivantiste b’umunsi wa 7 rwa Gahogo mu Karere ka Muhanga kuri iki cyumweru Tariki ya 16 Mutarama 2022.

Mu kiganiro yahaye UMURYANGO,yavuze ko bishimiye iyi ntambwe yo guhamiriza itorero ko bakundana bya nyabyo ndetse ko urukundo rwabo rugiye gutera indi ntambwe y’ingenzi.

Yagize ati "N ’urugendo nyarwo dushimira Imana ko yatugejejeho."

Aba bombi biyise akazina ka GARU,bavuga ko urukundo rwabo rumaze imyaka 20 kuva mu mwaka 2001 bakiri bato.

Mu minsi ishize,MC Hero yabwiye UMURYANGO ko byagiye bigorana ko bakomeza gukundana kubera impamvu zinyuranye z’ubuzima ariko agashimangira ko urukundo nyarwo ntaho rujya nubwo biba bigoranye.

Yagize ati "Urukundo rwacu habayeho kwizerana, nagiye nkorera ahantu hatandukanye ariko umukunzi wanjye kuko yabaga i Muhanga byadusabaga kwizerana, tukavugana buri munsi tukirinda amagambo kuko twari dufite aho twifuza kugeza urukundo rwacu. Gusa ikiruta byose nuko twizeye Imana kandi nayo ntiyigeze idukoza isoni."

Akomeza avuga ko yakundiye Tuyisingize Ruth kuba ari umukobwa ukunda Imana kandi witonda.

Ati "Tuyisingize Ruth ni umukobwa ukunda Imana, wakuze ajya gusenga akiri umwana abikuriramo [kandi] agira Umutima mwiza, aranyizera kdi byongeyeho ni na mwiza."

Mc Hero washinze amaradio atandukanye ya gare, yamenyekanye cyane mu kuyobora ibitaramo cyane cyane mu ntara y’amajyepfo n’iburasirazuba.






Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa