skol

Yabonye umusore umukunda nyuma y’igihe atotezwa na se amuziza kuvukana ubumuga

Ubuzima   Yanditswe na: Dusingizimana Remy 12 November 2021

Umukobwa wakuze atotezwa kandi agatukwa n’abantu benshi barimo na se wamubyaye, wavuze ko atazigera abona umugabo kubera ubugufi bwe bukabije,yahishuye ko ari mu rukundo n’umusore umukunda by’ukuri.


Uwiringiyimana Odette, ufite imyaka 26, yavukanye ubumuga bw’ubugufi bukabije bituma atotezwa n’abandi bana bamwitaga amazina atandukanye yo kumutesha agaciro.

Ibintu byarushijeho kuba bibi,ubwo se yamutoteza cyane akamubwira ko atazigera agira umukunzi wo kumurongora kubera ubugufi bwe.

Odette wavutse mu 1995 se yanze kumwohereza ku ishuri kuko nta cyizere yari amufitiye. Buri munsi yamufungiranaga mu cyumba cye ngo ntasohoke kugeza ubwo nyina n’abavandimwe be baje kumushakira telefoni ahamagara ubuyobozi buramutabara.

Ubuyobozi bw’inzego z’ibanze bwategetse se w’uyu mukobwa kureka kumuhohotera nubwo na nubu atigeze ahinduka.

Uyu mukobwa yabwiye Afrimax TV dukesha iyi nkuru ko kera yajyaga yiheba akabaza Imana impamvu yatumye avukana ubwo bumuga ariko ngo ubu abona abari hasi ye bikamutera kuyishima.

Ku bw’amahirwe, Odette yabonye abagiraneza bamujyana mu ishuri ry’imyuga aho yize kuboha. Yahawe imashini yo kuboha yamufashije kubona amafaranga yo kwitunga no gutunga abo bavukana cyane ko se yabataye.

Ubu arasaba ubufasha bwo kubona imashini nshya, kuko iyo yakoreshaga yangiritse cyane.

Igishimishije kurushaho, uyu mukobwa yabonye umukunzi witwa Dushirimana Celestin wamukunze kandi wifuza kumurongora.

Yagize ati Ntuye hafi y’iwabo ariko n’umukobwa nkunda cyane.Bitewe nuko iwabo bamufata njyewe nk’umuturanyi we ndamukunda cyane.Iyo agenda tuba tumubona,tukamuba hafi kandi tumufata nk’undi muntu usanzwe."

Odette yavuze ko uyu musore amukunda cyane ndetse ngo yatandukanye na benshi bavugaga ko atazigera abona umugabo.

Aba bombi ngo biyemeje gushinga urugo bakagira umuryango hamwe bakabana ubuzima bwose busigaye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunyamideli yavuze akaga yahuye nako kubera gukundana n’ibyamamare birimo...

Uwahoze ari umukunzi w’igikomangoma Harry yavuze ko "ari umunyamahirwe" kuba...
21 November 2021 0

Umunyamakuru Khenzman yasezeranye kubana akaramata n’umukunzi we...

Umunyamakuru akaba n’umuyobozi ushinzwe kwamamaza ibikorwa by’uruganda rwa...
20 November 2021 0

Umunyamakuru Janvier Popote n’umufasha we Allen baryohewe n’ukwezi kwa Buki...

Umunyamakuru uri mu bakundwa na benshi mu Rwanda,Nshimyumukiza Janvier...
19 November 2021 0

Hon.Bamporiki yahaye igisubizo abavuga ko kwambara Bikini mu marushanwa...

Umunyamabanga wa Leta muri Minisiteriy’Urubyiruko n’Umuco, Bamporiki...
19 November 2021 0

Byiringiro Lague yabatijwe mu mazi menshi

Rutahizamu wa APR FC n’Amavubi, Byiringiro Lague, yabatijwe mu mazi...
17 November 2021 0

Umunyamakurukazi yashyingiranwe n’umufana we wavuze ko amaze imyaka 10...

Umunyamakuru wa NBS TV Rukh-Shana Namuyimba yashyingiranwe ku mugaragaro...
15 November 2021 0