skol

Kigali: Abayisilamu batunguwe no kubuzwa gutora Adhana mu ndangururamajwi mu rukerera nk’ibisanzwe

Ubuzima   Yanditswe na: Dusingizimana Remy 14 March 2022

Mu Rukerera rwo muri iki gitondo cyo kuri uyu wa mbere abayisilamu bo hirya no hino mu Rwanda batunguwe no gusanga kuri imwe mu misigiti hariho abapolisi babuza abasanzwe batora adhana (Umuhamagaro) bazwi ku izina rya BILAL gukoresha indangururamajwi ndetse no gukoresha umunwa bahamagara.

Ikinyamakuru UMUYOBORO dukesha iyi nkuru kivuga ko bamwe mu bayisilamu cyavuganye nabo batangaje ko mu masaha ya saa kumi ubwo bageraga ku musigiti w’ahazwi nko kuri Onatracom I Nyamirambo,bahasanze abapolisi bane bari kumwe n’ubayoboye ababuza ko baza gukoresha indanguramajwi.

Uwari ku musigiti wa Alfatha uzwi ku izina rya Onatracom ufatwa nk’ukomeye mu Rwanda,wubatse mu rusisiro rutuwe n’abayislamu benshi mu Rwanda, yatangarije Umuyoboro ko nka saa cyenda aribwo polisi yahageze ije kubuza uhamagara gukoresha indangururamajwi.

Yagize ati: “Bayitubujije baje hano saa cyenda rwose, hose hose bayibujije na majengo”.

Undi nawe wari kuri uwo musigiti yatangarije iki kinyamakuru ko koko basanze ku muryango hari Polisi ibuza usanzwe atora adhana ya mbere kutayisohora mu ndanguramajwi.

Andi makuru aravuga ko hari bamwe muri ba Bilal bahamagawe na Sheikh Sindayigaya Mussa ababwira ko batagomba gutora adhana kandi ko nibayitora imisigiti bari buyifunge.

Uyu Sindayigaya akaba umuyobozi ushinzwe igenamigambi mu muryango w’abayislamu mu Rwanda (RMC)

Iki kinyamakuru kivuga ko cyashakishije amakuru kuri iki kibazo cyo kubuzwa gutora adhana ku misigiti mu gitondo cyo kuri uyu wambere,kimenya ko hari imisigiti yayitoye nk’iyo mu karere ka Kicukiro.

Imisigiti itatoye adhana harimo imisigiti ya Alfat’ha (Onatracom) Majengo, Kwa kadafi, Rwarutabura,n’umusigiti wo mu mujyi

Mufti w’u Rwanda, Mufti w’u Rwanda wungirije, umuyobozi w’umujyi wa Kigali muri RMC n’umuyobozi w’akarere ka nyarugenge muri RMC ntibitabye telephone zabo kugira ngo bavuge ku mvano y’iki kibazo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyuma y’imyaka 2 Abahamya ba Yehova bagiye Gusubira guteranira Mu nsengero...

Abayoboke b’Umuryango w’Abahamya ba Yehova, bwa mbere mu myaka ibiri ishize...
15 April 2022 1

Abahanzi barimo Islael Mbonyi bifatanyije n’abarenga 100 bazerekeza Islael...

Islael Mbonyi yifatanyije n’abarenga 100 baturuka mu bihugu bitandukanye mu...
14 April 2022 0

Perezida Ndayishimiye yakiriye Karidinali Antoine Kambanda wasuye u...

Perezida Evariste Ndayishimiye w’u Burundi yakiriye Karidinali Antoine...
17 March 2022 1

Ubuyobozi bwa Islamu mu Rwanda bwakuye urujijo ku ihagarikwa rya Adhana mu...

Umuryango w’Abayisilamu mu Rwanda,RMC, yamenyesheje abayislamu ko...
15 March 2022 0

Bamwe mu bayoboke b’idini ya Isilamu barasaba ko gutora Adhana mu ijwi...

Bamwe mu bayoboke b’idini ya Islam bo mu mujyi wa Kiigali bababajwe...
15 March 2022 0

Kigali: Abayisilamu batunguwe no kubuzwa gutora Adhana mu ndangururamajwi...

Mu Rukerera rwo muri iki gitondo cyo kuri uyu wa mbere abayisilamu bo hirya...
14 March 2022 0