skol
Kigali

Yatwitse ishyamba rya hegitare zirenga 280 ubwo yacanaga ibishashi ngo atungure umukunzi we

Ubuzima   Yanditswe na: Dusingizimana Remy 19 January 2022

Umugabo witwa Viktor Riedly, w’imyaka 28, yateje inkongi y’umuriro yibasiye ishyamba ubwo yashakaga gushimisha umukunzi we ku isabukuru y’amavuko.

Ku bw’impanuka Viktor Riedly yatwitse hegitari zisaga 285 z’ishyamba mu gikorwa cyo guturitsa Fireworks agamije gushimisha umukunzi we.

Abashinzwe kuzimya umuriro barenga 100 bamaze iminsi itatu bahanganye n’umuriro wa kilometero irenga kuri Marsden Moor, muri West York.

Iyi nkongi y’umuriro yabaye muri Mata umwaka ushize yangije ibintu bifite agaciro k’ibihumbi 500.000 by’amapawundi kandi ihitana ubuzima bw’inyamaswa nk’inyoni zarika hasi.

Umushinjacyaha Charlotte Rimmer yavuze ko uyu muriro watwitse aha hantu hakoreshwaga n’abahanga mu gukora ubushakashatsi.

Riedly, wo muri Huddersfield, yemeye icyaha cyo gutwika maze afungwa umwaka umwe mu rukiko rwa Leeds.

Anastasis Tasou, yagize ati: “Yemeye ibyaha byose, kandi ni umuntu wagaragaje ko yicujije ku byo yakoze.

"Ntabwo ari umusore muto w’inkubaganyi. Ubundi ni umuntu wiyubashye. Gusa ntiyigeze atekereza ko ibikorwa bye bishobora guteza akaga muri aka karere katarangwamo inyubako."

Yavuze ko Riedly wiyita umuhanzi, yasabye kuba umukorerabushake wa National Trust kugira ngo afashe mu gusana ibyangiritse.

Ariko umucamanza Neil Clark yavuze ko iki cyaha gikomeye cyane ariyo mpamvu agomba gufungwa, yongeraho ati: “ni igikorwa cy’uburangare bukabije.

Ati: “Abantu bagomba gusobanukirwa ko kwangiza ibikorwa bifitiye inyungu rusange z’abaturage bidashobora kwihanganira.”

Umuyobozi wa West Yorkshire Fire and Rescue Service , Scott Donegan yagize ati: "Twishimiye cyane iki gihano kandi twizeye ko cyibutsa abandi kudateza umuriro mu mirima."


Uyu niwe watwitse ishyamba ashaka gutungura umukunzi we

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyiri inzu yateye umupangayi we kubera ko umugore we yanze ko batera...

Umugabo wari usanzwe afite amazu akodesha yahunze nyuma yo kugaba igitero...
20 May 2022 0

Umusore n’umukunzi we bashatse kwigana Jack na Rose muri TITANIC biviramo...

Umusore n’umukunzi we bashatse kwifotoza yiganye Jack na Rose bo muri filime...
20 May 2022 0

Sobanukirwa indimi 5 z’urukundo zihariye cyane kurusha izindi

Gutanga no kwakira urukundo bishobora gukorwa mu buryo butandukanye binyuze...
20 May 2022 0

Ntuzemere gushyingiranwa n’ umukunzi wawe nadasubiza ibi bibazo...

Mbere yo gushyingiranwa n’ umukunzi wawe uzamubaze ibi bibazo uzamenya...
19 May 2022 0

Umwana w’imyaka 11 yaciye agahigo ko kuroba ifi imurusha ibiro

Umwana witwa Callum Pettit yagarutsweho cyane mu binyamakuru ku isi anyuma...
19 May 2022 0

Yarohamye mu ruzi ubwo yageragezaga gutabara imbwa ye

Umukinnyi w’iteramakofe w’Umwongereza yarohamye mu gihe yagerageje gutabara...
18 May 2022 0