Umugore witwa Evelyn Misumi w’imyaka 36 yatawe muri yombi ku wa Gatatu w’iki Cyumweru ubwo yageragezaga gushaka kwiba Banki yo muri USA izwi nka Bank of America mu ishami ryayo riherereye Texas.

Sponsored Ad

Uyu mugore yinjiye muri Banki afite inyundo na lisansi, niko guhita ajya aho batangira amafaranga atangira kumena iyi lisansi hasi ,afata inyundo akanga umukozi w’iyi Banki amusaba amafaranga,umwe mu bakozi bagenzi b’uyu mukozi wari ufatiweho inyundo ahita ahamagara polisi ihageze uyu mugore ahita ahunga.

uyu Misumi yatawe muri yombi ashaka kwiba banki

Uyu mugore yahunze yerekeza ku modoka ye, akurura umwana muto wari hafi yayo niko kubwira abapolisi bari bamukurikiye ko nibamwegera aramwica,amaherezo yemera kumanika amaboko bamujyana muri gereza.

Misumi yajyanwe gufungwa ndetse agomba kugezwa imbere y’ubutabera aho azaba akurinyweho ibyaha byo gushaka kwiba banki no guhohotera umwana gusa polisi iracyashakisha umubyeyi w’uyu mwana nubwo bikekwa ko ari uw’uyu mugore.