Madamu Joyce Banda wayoboye Malawi yashyiriweho impapuro zimuta muri yombi

Amakuru   Yanditwe na: Nsanzimana Ernest 1 August 2017 Yasuwe: 825

Polisi ya Malawi yatangaje ko Madamu Joyce Banda wabaye Perezida wa Malawi kuri ubu arimo gushakishwa n’ inkiko kubera ibirego bya ruswa bivugwa ko yagizemo uruhare ubwo yari akiri ku butegetsi bw’ iki gihugu cya Malawi.

Kuri uyu wa Mbere tariki 31 Nyakanga nibwo umuvugizi wa polisi ya Malawi yatangaje ko uyu mugore kuri ubu uri muri Leta zunze ubumwe z’ Amerika yashyiriweho impapuro zimuta muri yombi.

Uyu mugore arashinjwa kugira uruhare mu bibazo bikomeye bya ruswa “Cashgate” byakozwe muri 2013. Icyo gihe miliyoni 30 z’ amadorali y’ Amerika zararigishijwe.

Si Joyce Banda wenyine ukurikiranyweho iki kibazo cya ruswa kuko hari n’ abandi bayobozi bivugwa ko bafatanyije.

Icyo gihe byabaye ibibazo bikomeye kuri iki gihugu cyo muri Afurika y’ Uburengerazuba kuko ibihugu by’ amahanga bitera inkunga iki gihugu cyahangaritse inkunga nyamara 40% by’ ingengo y’ imari gikoresha ari inkunga z’ ibihugu by’ amahanga.

Madamu Banda yayoboye Malawi kuva tariki 7 Mata 2012 ageza tariki 31 Gicurasi 2014. Akimara gutsindwa amatora muri 2014 yahise yurira rutema ikirere yerekeza muri Amerika. Ashyiriweho impapuro zimuta muri yombi mu gihe yari afite gahunda yo kugaruka mu gihugu cye.

Uyu mugore ahakana ibyo kuba yaragize uruhare mu irigiswa ry’ aya madorali akavuga ko ari impamvu za politiki zibyihishe inyuma. Banda afite ishyaka yise ishyaka ry’abaturage (Parti du peuple)

Madamu Banda kuri ubu ufite imyaka 67 y’ amavuko yagiye ku butegetsi asimbuye Bingu wa Mutharika atsindwa mu matora na Peter Mutharika ariwe uyoboye Malawi kugeza ubu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Suède: Umunyarwanda agiye kugezwa imbere y’abacamanza ashinjwa...

Kuri uyu wa Gatatu tariki ya 06 Nzeri uyu mwaka, Ubushinjacyaha muri Suède...
6 September 2017 Yasuwe: 232 0

USA: Urukiko rwatesheje agaciro ubujurire bw’umunyarwandakazi ushinjwa...

Urikiko rwo muri Leta zunze ubumwe za Amerika mu mujyi wa New Hampshire...
4 September 2017 Yasuwe: 974 0

Abapadiri bategetswe kujya batangaza ibyo babwiwe n’abicuza igihe...

Komisiyo ishinzwe kurwanya ihohoterwa ry’abana bafatwa ku ngufu muri...
15 August 2017 Yasuwe: 864 0

Uganda: Umukozi wo mu rugo ushinjwa kwiba amashilingi y’ umusore bararanye...

Umukozi wo mu rugo w’imyaka 33, muri Uganda arashinjwa kwiba umukunzi we...
8 August 2017 Yasuwe: 889 0

Madamu Joyce Banda wayoboye Malawi yashyiriweho impapuro zimuta muri...

Polisi ya Malawi yatangaje ko Madamu Joyce Banda wabaye Perezida wa Malawi...
1 August 2017 Yasuwe: 825 0

Umugabo ushyigikiye Depite Bobi Wine yareze Leta ya Uganda nyuma yo...

Mr Sande Patrick Byamukama ushyigikiye bikomeye depite Robert Ssentamu...
28 July 2017 Yasuwe: 504 0