Kigali

Uganda: Umugabo akurikiranyweho kwica umugore we amuziza kwitaba telefone

Amakuru   Yanditswe na: Iyamuremye Janvier 30 August 2017 Yasuwe: 685

Umugabo wo mu gihugu cya Uganda utatangajwe amazina afunzwe na Polisi y’iki gihugu nyuma yo kwiyicira umugore we amuziza ko yitabye telefone mu masaha y’ijoro.

Uyu mugabo w’imyaka 38 y’amavuko wari utuye mu gace kitwa Bardege mu Karere ka Gulu yishe umugore we mu ijoro ryo ku wa Kane w’icyumweru gishize (tariki 24 Kanama) ahita atoroka.

Ikinyamakuru Dailymonitor cyanditse ko uyu mugabo yari asanzwe akora akazi ko gutwara abagenzi kuri moto, mu mujyi wa Gulu.

Itsinda ryashyizweho mu gukurikirana iki kibazo babwiye iki kinyamakuru ko aba bombi batangiye gushwana mu ma saha ya saa yine z’ijoro ubwo Nyakwigendera (umugore) yari amaze kwitaba telefone y’umuntu utaramenyekanye.

Ngo uyu mugore yavuye kuri telefone abazwa n’umugabo we uwo bavuganaga, atarasubiza yahise amushinja ko asigaye aryamana n’abandi bagabo cyangwa se ko afitanye urukundo rwihariye n’uwo bavuganaga.

Umuvugizi wa Polisi muri aka Karere Jimmy Patrick Okema, yatangaje ko aba bombi batangiye gushwana no gutongana ari nabwo batangiye kurwana kugeza ubwo uyu mugabo yafataga isuka akayikubita umugore we mu mutwe bimuviramo urupfu.

Ku wa 24 Kanama, uyu mugabo yahise atoroka aza gufatwa ku wa 27 kanama na Polisi ubwo yari mu kabari kari mu birometero 10 uvuye aho icyaha cyakorewe.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

General Chiwenga weguje Robert Mugabe arashinjwa kwitukuza

Ibara ry’ uruhu rwa General Constantino Chiwenga wahoze ari Minisitiri w’...
12 May 2018 Yasuwe: 2270 0

Icyorezo cya Ebola cyongeye kwaduka muri Congo kimaze kwica...

Amakuru aturuka muri Repubulika iharanira demukarasi ya Congo aravuga ko...
8 May 2018 Yasuwe: 1363 0

Umuganga yateye icyuma umwana we mu ijosi

Umuganga wo mu mugi wa New York witwa Hanane Mouhib w’imyaka 36 yaciye ijosi...
7 April 2018 Yasuwe: 1713 0

Umurozi yahinduye abahungu be batatu ibishusho ngo bamwubahe

Mu cyaro cy’ ahitwa Donguila mu gihugu cya Gabon umupfumu kabuhariwe...
29 March 2018 Yasuwe: 2606 0

Ghana: Abagore batwite bahagurukiye ibinini barya umwana akavuka ari...

Ibinini byo mu bwoko bwa "Glutathione" bikomeje kugurwa na benshi mu bagore...
28 February 2018 Yasuwe: 1512 0

Ubuzima bw’ umwami wa Maroc bwatabawe n’ abaganga bo mu Bufaransa

Umwami w’ ubwami bwa Maroc kuri uyu wa Mbere tariki 26 Gashyantare 2018...
27 February 2018 Yasuwe: 1236 0