skol
Kigali
startimes

UK: Urundi rukingo rwa Covid-19 ruratangira guterwa abantu kuva kuwa mbere

Amakuru   Yanditswe na: Dusingizimana Remy 30 December 2020 Yasuwe: 3296

Urukingo rwa coronavirus rwakozwe n’abahanga bo muri kaminuza ya Oxford bafatanyije na kompanyi ya AstraZeneca rwemejwe guhabwa abantu mu Bwongereza.


Minisitiri w’ubuzima Matt Hancock yabwiye BBC ko umuntu wa mbere azaruterwa kuwa mbere, avuga ko iyi ari "intambwe ikomeye" mu rugamba n’iyi virusi.

Uru rukingo ruzafasha gahunda yo gukingira yari yaratangiye mu Bwongereza hakoreshejwe urukingo rwa Pfizer nk’uko abivuga.

Iki gihugu cyatumije doze miliyoni 100 z’uru rukingo - zihagije gukingira abaturage miliyoni 50.

Kuba rwemejwe n’abagenzuzi b’imiti, bisobanuye ko rukora kandi rufite ubuziranenge nk’uko James Gallagher umunyamakuru wa BBC ishami ry’ubuzima abivuga.

Minisitiri Hancock yabwiye BBC ati: "ubu nakwemeza ntashidikanya ko dushobora gukingira buri muturage.

"Doze miliyoni 100 kongeraho doze miliyoni 30 z’urukingo rwa Pfizer, izo zirahagije ngo buri muturage abone doze ebyiri".

Ibi bibaye mu gihe hari ikindi cyiciro cy’abatuye ahantu runaka mu Bwongereza bitegura gushyirwa muri "guma mu rugo", kubera imibare mishya y’abanduye ikomeje kuzamuka.

Ejo kuwa kabiri gusa, batangaje abantu bashya 53,135 banduye mu Bwongereza na 414 bapfuye nyuma y’iminsi 28 gusa basanze baranduye.

Urukingo rwa Oxford-AstraZeneca rwatunganyijwe kuva mu mezi ya mbere ya 2020, mu mpera z’ukwa kane nibwo rwageragejwe bwa mbere ku muntu, nyuma rutangira kugeragezwa ku bantu benshi.

Ni urukingo rwa kabiri rwemejwe mu Bwongereza nyuma y’urwa Pfizer-BioNTech narwo rwemejwe rukanatangira guhabwa abantu mu ntangiriro z’uku kwezi kwa 12.

Kuva ubwo kugeza ubu abantu 600,000 mu Bwongereza bamaze gukingirwa, bitari iby’igerageza.

Uru rukingo rushya biteganyijwe ko rwihutisha iyi gahunda kuko rwo rushobora kubwikwa muri frigo isanzwe, mu gihe urwa Pfizer-BioNTech rusaba kubikwa mu bukonje bwa -70C.

Mu gukingira abaherwaho ni abageramiwe n’iki cyorezo barimo abakuze n’abakora kwa muganga.

Uru rukingo rukora rute?

Uru rukingo ni virus yahinduwe isanzwe itera ibicurane mu nyamaswa z’inguge.

Yahinduwe mu buryo ihagarika gutera abantu uburwayi, inahabwa utuyigize tuzwi nka ’spike protein’ turi mu bigize coronavirus.

Iyo izi ’spike protein’ zigeze mu mubiri w’umuntu zitangira gukora iza coronavirus, maze umubiri ugahita uzibona nk’ikintu gishya kiwuteye maze ugatangira kuzishwanyaguza.

Iyo rero ubwirinzi bw’umubiri buhuye n’iyi virus ya Covid-19 nyayo, buhita bumenya icyo gukora.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubuhindi: Inkongi y’umuriro yadutse mu bitaro yica abana 10 bari bamaze...

Impinja 10 zari zimaze kuvuka zahitanwe n’umuriro wadutse mu bitaro byo mu...
9 January 2021 Yasuwe: 3418 0

Umukobwa wabonye urupfu rwa nyina bari barwariye mu bitaro bimwe Covid-19...

Umugore warebye nyina ari gupfa iruhande rwe aho nawe yari arwariye mu...
6 January 2021 Yasuwe: 7002 0

Seychelles yatangaje umuntu wa mbere wahitanwe na Covid-19

Igihugu cya Seychelles cyatangaje ko umuntu wa mbere yahitanywe n’icyorezo...
5 January 2021 Yasuwe: 3139 0

UK: Urundi rukingo rwa Covid-19 ruratangira guterwa abantu kuva kuwa...

Urukingo rwa coronavirus rwakozwe n’abahanga bo muri kaminuza ya Oxford...
30 December 2020 Yasuwe: 3296 0

Pierre Buyoya wigeze kuyobora u Burundi yashyinguwe muri Mali

Uyu munsi nibwo mu mujyi wa Bamako,muri Mali habaye umuhango wo...
29 December 2020 Yasuwe: 5101 0

Uganda:Abantu 21 baguye mu mpanuka y’ubwato bwajyaga muri RDC

Impanuka y’ubwato mu kiyaga cya Albert kiri ku mupaka wa Uganda na...
26 December 2020 Yasuwe: 3311 0