skol
startimes

Min. Busingye yahishuye ko guma mu rugo tuyikozaho imitwe y’intoki

Amakuru   Yanditswe na: Martin Munezero 5 January 2021 Yasuwe: 4212

Busingye mu butumwa yatambukije kuri Twitter yasaga n’uca amarenga ko Guma mu Karere nidatanga igisubizo hashobora kuzakurikira Guma mu rugo, yazengereje abatari bake ku buryo nta muturage wakwifuza gusubira muri ibyo bihe.


Busingye ati “Umwaka mushya muhire. 2021 iratangiye ariko Covid iravuza ubuhuha!! *Imaze kudutwara 105, 1/2 muribo guhera Dec 2020. *Abarembye si bake. *Inkuru ya Covid-19 ubu ni incamugongo. Guma mu Karere nidatanga igisubizo murunva ikizakurikiraho. Twirinde ku bushake, plizz.”

Min. Busingye aragendera ku byemezo by’inama y’abaminisitiri yemeje ikanashyiraho ingamba nshya zo kwirinda Covid-19, bemeza ko ingendo hagati y’uturere zahagarikwa kugira ngo harebwe uko imibare y’abandura COVID-19 yagabanuka.

Ingamba zashyizweho mu kwirinda COVID-19:

a. Ingendo zirabujijwe guhera saa Mbili z’ijoro kugeza saa Kumi za mu gitondo.

b. Ibikorwa byose by’abikorera harimo iby’ubucuruzi, resitora, butiki, amasoko n’amaduka (malls and markets) bizajya bifunga saa Kumi n’Ebyiri za nimugoroba.

c. Ingendo hagati y’uturere dutandukanye tw’igihugu no hagati y’uturere n’Umujyi wa Kigali zirabujijwe kereka ku mpamvu za serivisi z’ubuzimz cyangwa izindi z’ingenzi. Icyakora imodoka zitwaye ibicuruzwa zemerewe kugenda mu turere twose ariko ntizitware abantu barenze babiri.

d. Ba mukerarugendo b’imbere mu gihugu n’abavuye hanze bafite icyemezo cy’uko bipimishije COVI-19 bemerewe gukomeza ibikorwa byabo by’ubukerarugendo.

e. Ibikorwa by’inzego za Leta n’abikorera bizakomeza ariko buri rwego rurasabwa gukoresha abakozi batarenze 30% by’abakozi bose, abandi bakozi bagakorera mu rugo ariko bakagenda basimburana.

f. Amateraniro rusange harimo imihango y’ubukwe ikorerwa mu nsengero, kwiyakira n’inama (meetings and conferences) birabujijwe.

g. Imyitozo ngororamubiri ikorerwa mu nyubako z’imyidagaduro (gyms) no kogera muri pisine birabujijwe. Icyakora, abantu bacumbitse muri hoteli bemerewe gukora izo siporo zombi kuri hoteli bacumbitsemo ariko berekanye ko bipimishije COVID-19.

h. Umubare w’abitabira ikiriyo ntugomba kurenza abantu 15 icyarimwe.

i. Imihango yo gushyingura ntigomba kurenza abantu 30.

Izi ngamba ziratangira kubahirizwa kuri uyu wa Kabiri tariki ya 5 Mutarama 2021, mu gihe zizongera kuvugururwa nyuma y’iminsi 15 hashingiwe ku isesengura ry’inzego z’ubuzima.

Hari hashize iminsi hari ukwiyongera k’ubwandu n’impfu bitewe n’iki cyorezo ku buryo bugaragara.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble kamana

    Ariko Corona bayigize igikangisho? Tanzania na Burundi ntiduturanye? ntibarimo gukora? ubu c hamaze gupfa bangahe, championat y’umupira w’amaguru kwikinwa ko nta mukinnyi waho turumva warwaye covid?

    2 weeks ago

Inzindi nkuru

Inkingo miliyoni imwe za COVID-19 ziragera i Kigali mu minsi ya vuba...

Mu kiganiro Umuyobozi w’Ikigo cy’Igihugu cy’Ubuzima (RBC) yagiranye...
22 January 2021 Yasuwe: 4613 0

Hakuweho urujijo rw’ahabereye ubwicanyi bwakozwe na Kaneza Christa wishe...

Ku wa Gatatu w’iki Cyumweru, Polisi y’u Burundi yerekanye umugore ukiri muto...
22 January 2021 Yasuwe: 17476 0

Uruganda rwa Filime nyarwanda rwungutse indi yitwa Diru irimo amayeri...

Film zirimo imitecyerereze yo kurwego rwo hejuru zibamo amayeri n’amacenga...
21 January 2021 Yasuwe: 4057 0

Kigali:Ibanga ryafasha ingeri zose kuvuga icyongereza neza mu minsi...

Théoneste Uwayezu uyobora kompanyi yitwa ICT For All in All ikorera i Remera...
18 January 2021 Yasuwe: 4757 3

Kayonza: Umugabo yishe umwana w’umugore we w’imyaka ibiri amuteye...

Mu Ijoro ryakeye mu Mudugudu w’Irebero mu Kagari ka Nyagatovu mu Murenge wa...
18 January 2021 Yasuwe: 5287 0

Umurambo wa Mirimo Gaspard Wataburuwe; Yaramaze imyaka 4 yitabye Imana-...

Mirimo Gaspard ni umunyemari ukomeye witabye Imana muri Gicurasi 2016 aho...
16 January 2021 Yasuwe: 9439 0