Nyuma ya Dr Dusabe na Bakesha , Umunyarwandakazi Bella Gaelle yapfiriye muri Amerika bitunguranye

Amakuru   Yanditswe na: Nsanzimana Ernest 11 January 2018 Yasuwe: 4943

Mu gitondo cyo kuri uyu wa Kane tariki 11 Mutarama 2018, hamenyekanye ko umunyarwandakazi Gaelle Bella IKIBAGENGA yaguye muri Leta Zunze Ubumwe za Amerika, bikekwa ko ari abamwishe.

Bimenyekanye ku munsi wa Gatatu hamenyekanye urupfu rwababaje benshi rw’ umuganga w’ umudogiteri Dr Dusabe Reymond wakoraga mu bitaro byitiriwe umwami Faisal. Dr Dusabe yiciwe muri Afurika y’ Epfo n’ abantu bataramenyekana gusa umwe ukekwaho uruhare mu rupfu rw’ uyu muganga yatawe muri yombi nk’ uko byatangajwe na Ambasade y’ u Rwanda muri Afurika y’ Epfo.

Nanone kandi ku gicamunsi cyo kuri uyu wa Gatatu tariki 10 Mutarama nibwo hamenyekanye inkuru y’ Umunyarwandakazi Bakesha Marie Claire wiciwe mu Buholandi ku wa Kabili. Birakekwa ko Bakesha wari urangije amasomo na sitage akaba yabaga Amsterdam yahanuwe muri etage ya gatatu n’ umukunzi we ukomoka mu gihugu cya Nigeria.

Gaelle Bella IKIBAGENGA yapfuye mu ijoro rya tariki 5 Mutarama 2018, aguye muri Leta ya Michigan, imwe muzigize Leta Zunze Ubumwe za Amerika. Gaelle ni mwene Georges NTARUGERA na Jeanne UMURUNGI.

Peter Ntarugera, musaza wa nyakwigendera Gaelle Bella IKIBAGENGA usanzwe nawe aba muri Amerika, yahamagawe na Polisi ya Michigan bamumenyesha ko Gaelle yamusanze mu nzu yapfuye ndetse bikekwa ko yishwe ariko ko hagikorwa iperereza ku by’urupfu rwe.

Abo mu muryango wa Gaelle Bella IKIBAGENGA bari muri Amerika, batangiye kuvugana na Polisi ngo bahabwe umurambo wa nyakwigendera azashyingurwe mu Rwanda, ari nako harimo gushakishwa ubufasha kugirango uyu murambo uzagezwe mu gihugu cye cy’amavuko. Iperereza ku bijyanye n’urupfu rwe naryo rirakomeje kuko Polisi itaratangaza uburyo yishwemo n’abakekwaho kuba baramwishe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble M.Callixte

    Imana ibahe iruhuko ridashira,icyakora birababaje

    11 January

Inzindi nkuru

Perezida Kagame yavuze aho agejeje amenya ururimi rw’Igifaransa

Perezida wa Repubulika y’u Rwanda Paul Kagame yahishuye ko amaze kumenya...
16 October 2018 Yasuwe: 2800 3

Mu Rwanda hatangijwe amasomo ajyanye n’ubwenge bw’ubukorano azamara...

Ikigo Nyafurika gitanga ubumenyi bushingiye ku mibare, AIMS, cyatangiye...
15 October 2018 Yasuwe: 898 1

Mu mezi 6, u Rwanda rwahombye miliyari 204 n’ abaturage barenga 200 kubera...

Minisiteri y’ Ibiza no gucyura impunzi Midimar, yatangaje ko mu mezi...
15 October 2018 Yasuwe: 620 0

‘Dufite Abanyarwanda bajya kwanduranya mu gihugu cy’abaturanyi’- Gen. Mubarak...

Gen. Mubarak Muganga yaburiye abanyarwanda bajya kwanduranya muri Tanzania...
14 October 2018 Yasuwe: 3605 0

Pro- Femmes Twese Hamwe yishimiye itorwa rya Mushikiwabo

Profemmes Twese Hamwe yishimiye itorwa rya Mushikiwabo Abanyamuryango b’...
13 October 2018 Yasuwe: 329 0

Umwana w’umukobwa yabonye inzoka nini cyane mu cyumba cye nijoro...

Umukobwa witwa Ashleigh Muller w’imyaka 19,ukomoka mu mujyi wa Brisbane muri...
12 October 2018 Yasuwe: 4749 0