Kigali

Kuri uyu wa gatanu NEC iratangaza urutonde ntakuka rw’ abakandida beremewe kwiyamamariza kuyobora u Rwanda

Amakuru   Yanditswe na: Nsanzimana Ernest 7 July 2017 Yasuwe: 1338

Kuri uyu wa Gatanu tariki indwi Nyakanga biteganyijwe ko Komisiyo y’ igihugu y’ amatora NEC itangaza urutonde rw’ abakandida bemerewe kwiyamamariza umwanya w’ umukuru w’ igihugu mu matora ateganyijwe muri Kanama uyu mwanya wa 2017.

Uru rutonde ntakuka rugiye gutangazwa mu gihe tariki ya 27 Kamena iyi komisiyo yari yatangaje urutonde rw’ agateganyo rwagaragarayeho abakandida babiri gusa muri batandatu batanze kandidatire.

Abagaragaye ku rutonde rw’ agateganyo ni Paul Kagame watanzwe n’ ishyaka FPR na Dr Frank Habineza watanzwe n’ ishyaka DGPR.

Abataragaragaye ku rutonde rw’ agateganyo ni Diane Shimwa Rwigara, Mwenedata Gilbert, Mpayimana Philipe na Barafinda Ssekikubo Fred. Aba uko ari bane bifuza kwiyamamaza nk’ abakandida bigenga.

Kwakira ibyangombwa by’ abifuza kuziyamamariza kuyobora u Rwanda byatangiye tariki 12 Kamena 2017, tariki 27 Kamena NEC ihagarika kwakira kandidatire ariko abatanze ibyangombwa bituzuye bemererwa gukomeza kubitanga bitarenze tariki 6 Nyakanga.

Amakuru agera ku Umuryango atangwa na ba nyir’ ubwite ni uko Diane Rwigara na Barafinda bamaze gutanga ibyombwa byose basabwe ndetse bakaba bafite icyizere cyo kugaragara ku rutonde ntakuka rw’ abemerewe kwiyamamaza.

Amatora y’ umukuru w’ u Rwanda ateganyijwe tariki 3 Kanama ku bazatorera mu mahanga na tariki 4 Kanama ku bazatorera mu Rwanda.

Listi y’ itora iriho abagera kuri miliyoni 6 n’ ibihumbi 800. Aya matora azabera kuri site z’ itora zirenga 2500.

Itegeko ry’ itora mu Rwanda riteganya ko uwarushije abandi bakandida amajwi ariwe uba yatowe nta matora y’ ikiciro cya kabiri abaho keretse iyo hari abakandida babiri banganyije amajwi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyarugenge: Urubyiruko rwasabwe kuzagira uruhare mu matora y’...

Abasore n’ inkumi bo mu karere ka Nyarugenge basabwe bakazitabira amatora y’...
17 June 2018 Yasuwe: 361 0

Akana Alice wahoze arwanya Leta ngo Gitwaza na Minisitiri Busingye batumye...

Umukobwa wa Aloys Nsekarije witwa Akana Alice wahoze mu matsinda y’...
16 June 2018 Yasuwe: 6212 2

Perezida Kagame yifurije Abayisilamu umunsi mukuru mwiza wa Eid al...

Perezida w’ u Rwanda Paul Kagame akaba n’ umuyobozi w’ Umuryango wa Afurika...
15 June 2018 Yasuwe: 555 0

Ejo tariki 15 Kamena 2018 ni conge

Ministiri w’abakozi ba leta n’umurimo Fanfan Rwanyindo Minisiteri y’ abakozi...
14 June 2018 Yasuwe: 1072 0

Umunyarwanda wifuza gushora imari muri Singapore yahawe uburenganzira...

U Rwanda na Singapore basinyanye amasezerano y’ ubufatanye aha abaturage...
14 June 2018 Yasuwe: 980 0

Perezida Kagame yakiriwe na Putin mbere y’ umuhango utangiza igikombe cy’...

Perezida w’ u Rwanda Paul Kagame kuri uyu wa 13 Kamena yakiriwe mu biro bya...
13 June 2018 Yasuwe: 2293 1