Kigali

Mpayimana Philippe wari umenyerewe nk’ umukandida wigenga yashinze ishyaka rya Politiki

Amakuru   Yanditswe na: Nsanzimana Ernest 4 November 2018 Yasuwe: 4646

Umunyapolitiki Mpayimana Philippe wiyamamaje nk’ umukandida ku mwanya wa Perezida w’ u Rwanda ntatsinde, akiyamamariza ari umukandida wigenga mu matora y’ abadepite ntatsinde yashyinze ishyaka rya politiki avuga ko riharanira iterambere ry’ Abanyarwanda.

Iri shyaka rikiri gushakirwa ibyangombwa ryitwa Ishyaka ry’ Iterambere ry’ Abanyarwanda (Parti du Progress du Peuple Rwandais: PPR)

Kuri iki Cyumweru tariki 4 Ugushyingo 2018, Mpayimana yatangarije UMURYANGO ko arimo gushaka uko iri shyaka ryakwandikwa.

Yagize ati “Twararitangiye, twamenyesheje ko twarishinze ariko ishyaka iyo ritaremerwa muzi ko aba ari igitekerezo. Ni igitekerezo twashyize ahagaragara twatangiye gushaka abarwanashyaka”.

Mpayimana w’ imyaka 48 yamenyekanye cyane muri politiki y’ u Rwanda ubwo yatangazaga ko aziyamamariza kuba Perezida w’ u Rwanda mu matora yabaye mu mwaka ushize wa 2017.


Aha Mpayimana yari arimo kwiyamamariza mu karere ka Gisagara

Muri aya matora intsinzi yegukanywe na Perezida Kagame. Uyu munyapolitiki muri uyu mwaka wa 2018, yongeye kwiyamamaza mu matora y’ abadepite ntibyamuhira kuko nta mukandida wigenda wabonye umwanya mu nteko ishinga amategeko y’ u Rwanda.

Kugira ngo ishyaka rya politiki ryandikwe mu Rwanda risabwa kwerekana abantu 200 mu gihugu hose barisinyiye nk’ abarwanashyaka baryo. Ni urugendo umuntu yavuga ko rutagoye cyane ku muntu nka Mpayimana wabashije kubona imikono 600 isabwa Umunyarwanda ushaka kwiyamamariza kuba Perezida wa Repubulika cyangwa kuba umudepite ari umukandida wigenga.

Mpayimana ni umwanditsi w’ ibitabo wigeze no gukora kuri televiziyo Rwanda. Avuga ko yamaze kubona abayoboke bemeye kwinjira muri iri shyaka PPR nubwo bataragera kuri 200 asabwa ngo ryandikwe.

Mpayimana yavuze ko gushinga ishyaka yabitewe no gushaka abazajya bamufasha mu mishanga ya politiki.

Yagize ati “Gushinga ishyaka bivuze ko umuntu ashaka ko imishinga yakoraga wenyine ayisangira n’ abandi bakamufasha kuyinonosora”

Ishyaka PPR ngo ni ishyaka ryigenga ariko rivugarumwe n’ ubutegetsi. Riramutse ryemewe n’ amategeko ryaba ribaye ishyaka rya 12 mu Rwanda ryemewe mu gihe hari andi arimo na FDU –inkingi ataremererwa gukorera ku butaka bw’ u Rwanda binyuze mu mategeko.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 5587 2

Ese Rucagu yari ari he ubwo indege ya Habyarimana yaraswaga? Ngo yabaye mu...

Rucagu Boniface, umwe mu basaza b’inararibonye ndetse akaba n’umwe mu bagize...
27 March 2019 Yasuwe: 12386 1

"Hari abavugaga ko amasengesho yo gusabira igihugu ari aya FPR": Past...

Muri iyi video y’ikiganiro yagiranye n’Umuryango, Pasiteri Antoine Rutayisire...
18 March 2019 Yasuwe: 2365 0

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 8571 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3750 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7828 2