Perezida Kagame yasabye Minisante na Polisi guhagurukira mu maguru mashya ikibazo cyo KWITUKUZA
Yanditswe: Sunday 25, Nov 2018
Perezida w’ u Rwanda Paul Kagame yasabye ko ikibazo cyo kwihindura uruhu ‘KWITUKUZA’ Minisiteri y’ Ubuzima na Polisi y’ u Rwanda bagihagurukira kuko bifite ingaruka ku buzima.
Yabitangirije mu butumwa yashyize ku rubuga rwa Twitter kuri iki Cyumweru tariki 25 Ugushyingo 2018.
Yagize ati “Bifite ingaruka mbi ku buzima n’ ibindi birimo no gukoresha ibinyabutabire bitemewe. Minisiteri y’ ubuzima na Polisi y’ u Rwanda bakwiye kubihagurukira mu maguru mashya”
Perezida Kagame yabikomoje ku butumwa uwitwa Fiona Kamikazi Rutagengwa yashyize kuri Twitter agira “Ntekereza ko Ikigo cy’ ubuziranenge na Minisiteri y’ ubuzima bakwiye gutangira ubukangurambaga bwo kurwanya kwitukuza kuko birimo gufata indi ntera”
Inzobere mu bijyanye n’ uruhu zigaragaza ko kwitukuza uruhu bigira ingaruka ku buzima zirimo no kuba uwabikoze yarwara kanseri y’ uruhu.
Si Perezida Kagame gusa wagize icyo avuga kuri Tweet ya Fiona Kamikazi
Maurice Kayisire yavuze ko kwitukuza ari ikibazo cy’ umuryango mugari atari ikibazo cy’ abagore gusa.
Yagize ati Umugabo yabwiye umugore ati ariko wazabajije abandi bagore icyo bisiga. Bleaching is a societal problem, not a problem for women alone !!!"
Ikigo cy’ Ubuziranenge RSB yavuze ko ubukangurambaga bwo kurwanya kwitukuza busanzwe ndetse ko bukomeje uko byagenda kose
Uwitwa Ngango yashimiye Perezida Kagame avuga ko kwitukuza atari ibintu by’ i Rwanda
Uwita Gakuba yavuze ko kwitukuza ari ikimenyetso cy’ uko umuntu yataye ibimuranga no kutigirira icyizere.
Ibitekerezo
Iki ni ikibazo gikomeye. kwitukuza nta patriotisme irimo,nukwisanisha nabazungu kdi nta muzungu wihindura umwirabura ! twemere uko turi kandi turi beza cyane.
Dukwiye kwishimira uko Imana yadushimiye,kuko niba yarakwirabuje bikwiye kukunyura,kuko erega ntanicyo bitwaye! Ese iyo utukuye wiraburaga,bigufasha iki cg wiyungura iki mubuzima?
nanga mukorogo nimana irabizi... abiga mukorogo bantera isesemi....All of them are brainwashed
none c kugirango dufatanye turwanye ibyo abanu bakoresha bitikuza turamenya ibyemewe na let aribihe bariya babikora nabyemezo babifitiye cg ariya mavuta tuarayaca nayo kwitukuza mumuco nyarwanda subamo
Rwose kwitukuza nibibi harimo kwagiza umuco nyarwanda ni cyaha cyoguhinyuza imana yaturemye’abitukuza nibarekere peer