Kigali

Imashini zo mu ruganda rwa Rwigara zatejwe cyamunara kuri miliyari 1 na miliyoni 700

Amakuru   Yanditswe na: Nsanzimana Ernest 18 June 2018 Yasuwe: 4425

Kuri uyu wa Mbere tariki 18 Kamena 2018, umuhesha w’ inkiko w’ umwuga yagurishije imashini zikora itabi zo mu ruganda Primier Tobacco Company Ltd rw’ umuryango wa Rwigara zigurwa n’ Ikigo cyitwa MM & RGD Company Ltd gihagarariwe na Olivier Udahemuka kuri miliyari imwe na miliyoni 797 Frw.

Izi mashini zagurishijwe ngo hishyurwe umusoro ugera kuri miliyari esheshatu uyu muryango ubereyemo leta.

Anne Rwigara uhagarariye ibikorwa by’ubucuruzi mu muryango wa Rwigara yavuze ko batishimiye igiciro izi mashini ziguzweho, ati "Turacyanze nk’ikigo cya Premier Tobacco Company, igiciro twebwe ntabwo tucyemera."

Umuhesha w’inkiko Me Habimana Védaste yavuze ko kwanga iki giciro cyo muri cyamunara ari uburenganzira bwabo, itegeko rigena ko kugira ngo wange igiciro ari uko kiba kitagejeje kuri 75% y’igiciro cyahereweho muri cyamunara.

Yagize ati "Muri iyi cyamunara rero igiciro cyatanzwe ni igiciro cyahereweho muri cyamunara, ni ukuvuga ko nyir’umutungo adafite uburenganzira bwo kwanga igiciro cyafatiweho."

Muri Werurwe uyu mwaka amakarito manini 7195 y’itabi ry’uruganda ‘Premier Tobacco Company Ltd’ yatejwe cyamunara, rigurwa na Murado Business Ltd, amafaranga y’u Rwanda miliyoni 512.

Muri izi cyamunara ebyiri hamaze kuboneka miliyari 2 na miliyoni 309 Frw muri miliyari esheshatu uyu muryango wishyuzwa.

Ikigo cy’Igihugu gishinzwe imisoro n’amahoro (RRA) giheruka gutangaza ko igihe amafaranga avuye muri cyamunara atishyura imisoro yose umuryango wa Rwigara ubereyemo leta, asigaye azashakwa mu yindi mitungo bafite.


Umuhesha w’ Inkiko Me Habimana Vedaste


Itangazamakuru ryitabiriye cyamunara

Udahemuka Olivier (Hagati) uhagarariye Ikigo cyitwa MM & RGD Company Ltd cyegukanye imashini z’uruganda

Anne Rwigara ntiyanyuzwe n’ igiciro izi mashini zagurishijweho

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abanyapolitiki n’ abaherwe bakomeye mu Isi bategerejwe I Kigali vuba...

Kofi Annan wayoboye Umuryango w’Abibumbye (UN), Al Gore wigeze kuba Visi...
7 August 2018 Yasuwe: 1666 1

Uzongera gupfunyikira umukiriya mu mpapuro zanditseho azajya...

Leta y’ u Rwanda yaciye burundu umuco w’ abacuruzi bamwe na bamwe...
2 August 2018 Yasuwe: 1188 2

Intambara y’ Ubucuruzi Amerika yashoje ku Rwanda, u Rwanda rumaze iminsi...

Leta zunze ubumwe za Amerika yashyize mu bikorwa icyemezo yarafashe cyuko...
1 August 2018 Yasuwe: 3425 1

Nyamagabe: Miliyoni 5 zari guhemba abakoze muri VUP zashyizwe kuri konti y’...

Rwiyemezamirimo Adonia wo mu karere ka Nyamagabe arashakishwa ngo yishyure...
25 July 2018 Yasuwe: 2794 0

Nyaruguru: ’Ruduri’ yaka abaturage imyaka bajyanye mu isoko

Mu gihe hirya no hino mu gihugu abaturage bavuga ko imisoro n’amahoro biri...
18 July 2018 Yasuwe: 1902 0

Muhanga: Ababumbyi b’amatafari bakomorewe

Ubuyobozi bw’ akarere ka Muhanga bwatangaje ko bwakomereye ababumbyi n’...
18 July 2018 Yasuwe: 580 0