Ubujurire: Ngenzi na Barahira basabiwe gufungwa burundu

Amakuru   Yanditswe na: Nsanzimana Ernest 4 July 2018 Yasuwe: 805

Ubushinjacyaha mu rubanza rw’ ubujurire ruburanishirizwa mu Bufaransa rwa Octavien Ngenzi na Tito Barahira bwabasabiye gufungwa burundu kubera Jenoside n’ ibyaha byibasiye inyoko muntu bakekwaho kuba barakoze muri Jenoside yakorewe abatutsi.

Ngenzi na Barahira basimburanye mu kuyobora Komini ya Kabarondo mu yahoze ari Perefegitura Kibungo kuva mu 1977 kugeza mu 1994.

Ngenzi Otavien afite imyaka 60 y’amavuko mu gihe Barahira Tito afite 67. Muri 2016 n’ ubundi ubushinjacyaha bwari bwabasabiye gufungwa burundu kubera uruhare bagize muri Jenoside yakorewe Abatutsi mu 1994 by’umwihariko ku bari bahungiye mu Kiliziya ya Paruwasi ya Kabarondo bishwe kuwa 13 Mata 1994.

Radiyo Ijwi ry’ Amerika yatangaje ko aba bombi kuri uyu wa 4 Nyakanga 2018 ubushinjacyaha bwabasabiye gufungwa burundu.

Muri Nyakanga 2016 Ngenzi na Barahira urukiko rwabakatiye gufungwa burundu barajurira.

Kiliziya ya Kabarondo yiciwemo abatutsi barenga ibihumbi 3, mu rubanza rw’ ubujurire Tito Barahira yavuze ko umwotsi wazamukaga kuri iyo kiliziya tariki 13 Mata 1994 yagize ngo ni umwotsi wavaga mu gikoni cy’ impunzi.

Bamwe mu baturage ba Kabarondo mu karere ka Kayonza aho Ngenzi na Barahira bayoboraga bavuga ko bifuza kuregera indishyi z’ akababaro, amategeko akaba abibemerera. Aba baturage kandi bavuga ko bifuzaga gutanga ubuhamya muri uru rubanza gusa ntibyabashobokeye kuko uru rubanza rwaburanishirijwe mu Bufaransa ntibabashe kugera aho rwaburanishirizwaga.

Uru rubanza ruzasomwa tariki 6 Nyakanga 2018.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwanda: Abakurikiranyweho kwiba Access Bank basabiwe gufungwa imyaka...

Abanyarwanda n’ Abanyanigeria bahakana icyaha cyo kurema umutwe w’abagizi ba...
16 October 2018 Yasuwe: 3591 0

Abacamanza b’ Abafaransa basabye ko iperereza ku wahanuye indege ya...

Uru rubanza rumaze igihe ndetse rutuma u Rwanda rutarebana neza n’ u...
14 October 2018 Yasuwe: 1460 2

Umusirikare warasiye umuntu I Nyamirambo n’abo bareganwa bakatiwe gufungwa...

Abantu batatu bakurikiranweho kugira uruhare mu iyicwa rya nyakwigendera...
8 October 2018 Yasuwe: 1352 0

Ubushinjacyaha ntiburamenya niba bujuririra irekurwa rya Diane Rwigara na...

Ubushinjacyaha bukuru bw’ u Rwanda bwatangaje ko bugiye kwicara bugasoma...
5 October 2018 Yasuwe: 1108 0

Diane Rwigara na nyina Adeline Rwigara barekuwe by’ agateganyo

Urukiko rukuru kuri uyu wa 5 Ukwakira 2018 rwafashe icyemezo cyo kurekura...
5 October 2018 Yasuwe: 6583 0

‘Mwirinde gusiragiza umuturage’ Minisitiri Busingye yakira indahiro z’...

Minisitiri w’Ubutabera akaba n’ intumwa Nkuru ya Leta Busingye Johnston kuri...
4 October 2018 Yasuwe: 180 0