Diane Rwigara, Uwo bavukana na Nyina Wabo baramara iminsi 5 mu bugenzacyaha

Amakuru   Yanditswe na: Iyamuremye Janvier 24 September 2017 Yasuwe: 5799

Umuvugizi wa Polisi y’u Rwanda Theos Badege , yabwiye Radiyo Ijwi ry’Amerika ko batatu bo mu muryango wa Assinapol Rwigara batawe muri yombi ku mugoroba wo kuri uyu wa Gatandatu bakaba bafungiwe kuri Polisi ya Remera mu mugi wa Kigali.

Ni nyuma yuko hari hagiye gushira ukwezi, abo muri uyu muryango bitaba mu bugenzacyaha ariko bakarekurwa.

Abatawe muri yombi ni Diane Rwigara ,Anne Rwigara murumuna we ndetse n’umubyeyi w’aba bombi , Adeline Rwigara .

Umuvugizi wa Polise y’u Rwanda yavuze ko aba bafashwe kubera ibimenyetso yemeza ko polisi ifite ko nyuma yibyaha bari basanzwe bakurikiranweho birimo kunyereza umusoro, gukoresha inyandiko mpimbano biregwa Diane wenyine, hari nibindi birimo kugirira nabi igihugu batahuweho.

Umuvugizi wa Polisi y’u Rwanda Theos Badege, yashimangiye ko abaregwa baranzwe no kunaniza iperereza, ko batafashije inzego z’umutekano ngo bazorohereze mu iperereza.

Uyu muvugizi avuga ko hari ibindi byiyongereye kubyo bari basanzwe bakurikiranweho.

Nubwo igipolisi kivuga ko kibakurikiranyeho inyandiko mbimbano kuri Diane Rwigara, n’imisoro ku bandi bagize umuryango we , ndetse hakaba haniyongereye ibyaha byo guhungabanya umutekano w’igihugu.

Ibibazo byatangiye nyuma y’urupfu rwa Rwigara Assinapol, aho umuryango we utahwemye gushyira mu majwi Leta ko ariyo yahitanye umubyeyi wabo, ariko inzego za Leta zikabihakana.

Uyu muryango warumaze igihe kigera ku kwezi utumizwa n’inzego z’ubugenzacyaha kwisobanura kubyaha bakurikiranweho.

Umuvugizi wa Polisi y’u Rwanda, atangaza ko ubu mu bugenzacyaha bagiye kuhamara iminsi itanu igenwa n’amategeko nyuma dosiye yabo ikazoherezwa mu bushinjacyaha nabwo buzayigeza muri Polise.

Uyu muryango uhagaritse uwawunganiraga mu mategeko, ngo n’uburenganzira bwabo kuba bashaka undi uzabunganira mu mategeko.

Umuvugizi wa Polisi avuga ko aho bafungiwe kuri Station ya Remera mu mugi wa Kigali, bemerewe gusurwa mu gihe ababasura bakubahiriza amabwiriza agenga amategeko ya station za Polise.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble gakuba

    inkunguzi yumugore, isenya umuryango. ubundi umukobwa wimyaka 35 ntakindi kiba gisigaye

    September 2017
  • chat_bubble boniface

    Erega Diane n’umuryango we ni abanyarwanda nkabandi igihe cyose ubugenzacyaha bwakenera kugira ibyo bubabaza bagomba kubwitaba kandi bakubaha inzego zabwo, ntabwo kuba polisi yagira icyo ibabaza ari igitangaza kuko ni abanyarwanda nkabandi kandi bagomba kubaha amategeko agenga igihugu.

    September 2017
  • chat_bubble Mpakaniye

    U Rwanda rwose rugiye guhinduka gereza noneho.

    September 2017
  • chat_bubble dadi

    karabaye gaye karabaye

    September 2017
  • chat_bubble kay

    Urwishigishiye ararusoma da niko bimeze

    September 2017
  • chat_bubble kay

    Urwishigishiye ararusoma da niko bimeze

    September 2017

Inzindi nkuru

Gitifu wa Kinigi ukekwaho gutwikira umwana we mu nzu yatangiye...

Kuri uyu wa 18 Mata urukiko rwisumuye rwa Musanze rwatangiye kuburanisha...
19 April 2018 Yasuwe: 352 0

Gicumbi: Umuforomo wafunzwe akekwaho gusambanya umugore yabyazaga yavuze...

Umuforomo wo kigo nderabuzima Rubaya witwa Mutabaruka Jean Bosco watawe...
14 April 2018 Yasuwe: 9760 1

Uwatwikishije ipasi umukozi wo mu rugo w’ imyaka 16 nta gihano...

Urukiko rw’ ibanze rwa Ngoma rwakatiye Noella Ihirwe igifungo cy’ amezi atanu...
31 March 2018 Yasuwe: 3038 0

Urukiko rwakatiye Karegeya wishe umugore aho amutabye agateraho...

Urukiko rwisumbuye rwa Nyarugenge kuri uyu wa 29 Werurwe rwahamije Karegeya...
29 March 2018 Yasuwe: 1771 0

Impunzi 21 zikekwaho guteza akaduruvayo mu nkambi ya Kiziba zagejejwe...

Umuyobozi Mukuru wa Polisi y’u Rwanda, IGP Emmanuel K.Gasana, yatangaje ko...
29 March 2018 Yasuwe: 1200 0

Kigali: Umusore ukurikiranyweho iterabwoba yafashwe ashaka gutoroka

Kuri uyu wa 26 Werurwe 2018, Umugororwa witwa Byumvuhore Faragie, yafatiwe...
26 March 2018 Yasuwe: 3344 0