Minisiteri y’Ubuzima yatangaje ko uyu munsi tariki ya 01 Gashyantare 2021, abantu 2 bahitanwe na Covid-19 mu Rwanda bituma umubare w’abamaze guhitanwa n’iki cyorezo ari abantu 198.Abantu 155 nibo banduye mu gihe 185 bayikize mu masaha 24 yashize.
Abantu batatu bishwe na Coronavirus n’abagabo babiri b’imyaka 83 na 41 bakomoka i Kigali.
Abamaze kwandura bose ni 15,459.Abamaze gukira bose ni 10,272 mu gihe abakirwaye ari 4,989.Abarembye cyane ni 18
Ibimenyetso bya Coronavirus birimo inkorora, (...)

Sponsored Ad

Minisiteri y’Ubuzima yatangaje ko uyu munsi tariki ya 01 Gashyantare 2021, abantu 2 bahitanwe na Covid-19 mu Rwanda bituma umubare w’abamaze guhitanwa n’iki cyorezo ari abantu 198.Abantu 155 nibo banduye mu gihe 185 bayikize mu masaha 24 yashize.

Abantu batatu bishwe na Coronavirus n’abagabo babiri b’imyaka 83 na 41 bakomoka i Kigali.

Abamaze kwandura bose ni 15,459.Abamaze gukira bose ni 10,272 mu gihe abakirwaye ari 4,989.Abarembye cyane ni 18

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Inzobere zo mu bitaro by’abana bya Philadelphia zagaragaje ko umubyeyi utwite ashobora guhereza umwana atwite abasirikare barinda Covid-19.

Mu bushakashatsi bwamuritswe kuwa Gatanu ushize, Dr. Dustin Flannery, inzobere mu buvuzi bw’abana afatanyije na bagenzi be, bakoreye ubushakashatsi ku bagore basaga 1400 n’impinja zabo.

Baje gusanga mu bagore 83 bari baranduye Covid-19 cyangwa abigeze kuyandura, 72 imibiri yabo yarakoze abasirikare b’ubwirinzi bakagera no mu mubiri w’umwana batwite.

Ubushakashatsi kandi bwerekanye ko gukingira umugore utwite, bishobora kurinda n’umwana atwite, nubwo hagikenewe ubundi bushakashatsi bwimbitse.

Ubu bushakashatsi bwasohotse mu kinyamakuru Journal of the American Medical Association’s JAMA Pediatrics, bwerekanye ko mu bagore barwaye Coronavirus batwite, abana babo batigeze bandura icyo cyorezo. Ikindi ni uko 60 % by’abagore bagaragaje ubudahangarwa bw’imibiri yabo mu guhashya Coronavirus, batigeze bagaragaza ibimenyetso nubwo bari bayirwaye.

Nubwo hari byinshi ubwo bushakashatsi bwagaragaje, haracyibazwa ibibazo bitandukanye birimo kumenya igihe cyo kuba umwana yakingirwa Covid-19 mu gihe amaze kuvuka, niba ubwirinzi yavanye mu nda ya nyina bushobora gukomeza kumurwanaho mu gihe amaze kuvuka n’ibindi.