Minisiteri y’ubuzima yatangaje ko kuri iki cyumweru,abantu bane bahitanywe na COVID-19 bituma umubare w’abamaze kwicwa n’iki cyorezo ugera kuri 280 mu gihe abanduye bo biyongereyeho 43. Abarembye ni 12, naho abakize ni 66.

Sponsored Ad

Hakingiwe abantu 3,911.Abakirwaye ni 1,340

Amakuru yose ya Covid-19 kuri iki cyumweru:

None habonetse abanduye bashya:43
Abanduye bose:20,186
Hakize:66
Abakize bose:18,566
Hapfuye:4(Umugore w’imyaka 63 n’abagabo 3 b’imyaka 89, 75 na 62 bapfiriye i Kigali)
Abamaze gupfa bose:280
Abakirwaye:1,340
Abarembye:12
Abakingiwe bashya:3,911
Abamaze gukingirwa kuva 05/3/2021:257,449

Abakora Irondo y’Umwuga mu mujyi wa Kigali, barishimira urukingo rwa Covid-19 batangiye guhabwa kuri iki Cyumweru.

Ni igikorwa cyabereye i Gikondo mu Karere ka Kicukiro ahasanzwe habera imirikagurisha (Expo) aho biteganyijwe ko abanyerondo ibihumbi bibiri baturuka mu bice bitandukanye by’ Umujyi wa Kigali barahabwa urukingo.

Gukingira abakora irondo ry’umwuga ni igikorwa cyari gitegerejwe n’abanyerondo benshi.

Umwe mu banyerondo bakingiwe, Dushimiyimana Emmanuel wo mu Murenge wa Kimironko waganiriye na IGIHE, yavuze ko yari amaze igihe ategereje kungirwa Covid-19.

Ati “Hari hashize igihe kinini twumva ngo urukingo rwaraje ariko ntiturubone.”

Icyifuzo cyo gukingirwa Dushimiyimana yari agisangiye n’abandi bari nka Burasanzwe Innocent wo mu Murenge wa Kanombe, wanavuze ko mu bo bakorana hari mo abigeze kurwara Covid-19.

Nyuma yo gukingirwa, Umubitsi w’Irondo rya Rusororo, Umugwaneza Chantal yavuze ko bishimiye gukingirwa Covid-19, kuko ngo imiterere y’akazi abanyerondo bakora hari n’ubwo itabemerera kubahiriza amwe mu mabwiriza yashyiriweho kwirinda iki cyorezo.

Yagize ati “Ku manywa ntibikunze kubaho cyane ariko nko mu ijoro iyo hari aho bibye, bajya gufata umujura, kandi abajura baranabarwanya. Icyo dusaba abanyerondo bacu ni ugukomeza bakubahiriza amabwiriza yo kurwanya icyorezo”.

Ikigo cy’Igihugu Gishinzwe Ubuzima, RBC, cyatangaje ko uyu munsi hari bukingirwe abanyerondo ibihumbi bibiri b’i Kigali, na ho abasigaye barimo n’abo mu ntara zitandukanye bakazakingirwa mu bihe bitandukanye, bijyanye n’uko inkingo zizagenda ziboneka.