skol
Kigali
startimes

Abantu 5 bahitanwe na Covid-19 mu Rwanda abandi 194 barayandura

Amakuru   Yanditswe na: Dusingizimana Remy 14 January 2021 Yasuwe: 4334

Minisiteri y’Ubuzima yatangaje ko uyu munsi tariki ya 14 Mutarama 2021,abantu 5 bahitanywe na COVID-19 bituma umubare w’abamaze kwicwa n’iki cyorezo mu Rwanda ugera kuri 133 mu gihe abanduye bo biyongereyeho 194 bakagera ku 10,316. Nta muntu n’umwe wakize iki cyorezo mu masaha 24 ashize.


Abahitanwe na Covid-19 mu Rwanda n’abagore babiri b’imyaka 93 na 66 bo mu mujyi wa Kigali.Abagabo 2 bo mu mujyi wa Kigali barimo uw’imyaka 68 na 48 n’uw’imyaka 27 w’i Rwamagana.

Abanduye bashya uko ari 194 babonetse I Kigali:98, Huye:17,Rulindo:17,Gicumbi:14, Kirehe:12,Gisagara:12,Musanze:6, Rwamagana:6,Nyagatare: 5, Gakenke:2,Nyanza:2,Rusizi:1,Nyamagabe:1, Rubavu:1.

Umubare w’abamaze gukira Covid-19 bose mu Rwanda ni 6,974 nyuma yo gupimwa bagasangwa nta bwandu bagifite mu gihe 3,209 bakirwaye aho bakiri kwitabwaho.

Ibimenyetso bya Covid-19 birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Urukingo rwa Covid-19 rwakozwe na laboratoire yo mu Bushinwa, Sinovac Biotech, rukomeje gutakarizwa icyizere nyuma y’igeragezwa ryakorewe muri Brésil, bagasanga ubushobozi rufite rwo kurinda umuntu Coronavirus buri ku kigero cya 50,38%, ikigero cyo hasi ugereranyije n’inkingo za Pfizer na Moderna.

Abasesenguzi bavuga ko ubushobozi buke bwagaragaye kuri uru rukingo bushobora gutuma inkingo zakorewe mu Bushinwa zitakarizwa icyizere ku Isi, bikagorana ko iki gihugu cyagarura isura yacyo muri gahunda cyari gifite yo gutanga inkingo ku bihugu biri mu nzira y’amajyambere.

Yanzhong Huang, ukora mu bijyanye n’ubuzima mu kigo cya Amerika yavuze ko yatunguwe no kubona urukingo rwa Sinovac rufite ubushobozi buke bene aka kageni, aho urwa Moderna na Pfizer rufite ubushobozi bungana na 95%, urwo mu Burusiya rwitwa Sputnik V rukagira 91%, naho urwo mu Bwongereza rwakozwe na Kaminuza ya Oxford na AstraZeneca rukagira 70%, mu gihe urundi rwakozwe n’ikigo cya leta cyo mu Bushinwa cyitwa Sinopharm rufite ubushobozi bungana na 79.34%.

Huang avuga ko ubushobozi buke bw’urukingo rwa Sinovac buzatuma isoko ryarwo ku isi ritiyongera mu gihe hari ibihugu bimwe byari byaramaze kurutumiza, nka Brésil yari yaratumije inkingo miliyoni 46, Turikiya yari yaratumije miliyoni 50 na Hong Kong yari yaratumije miliyoni 7,5.

Akomeza agira ati “Nubwo hari ibihugu byateganyaga gutumiza uru rukingo cyangwa n’ibindi byamaze kurutumiza, abaturage bamwe bashobora kwanga kuruterwa kubera gukemanga ubushobozi rufite bwo kurinda umuntu virus.”

Kugeza ubu mu gihugu cy’u Bushinwa hari ibihumbi by’abantu bari baramaze guterwa uru rukingo guhera muri Nyakanga.

U Bushinwa bumaze gutera inkingo miliyoni 4.5, zakozwe n’ibigo bitatu byo muri icyo gihugu, ndetse barateganya no gutera abandi bantu miliyoni 50 ku munsi bizihizaho umwaka mushya w’ukwezi muri Gashyantare uyu mwaka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Dr Thomas Kigabo wari ushinzwe ubukungu muri BNR yitabye Imana

Dr.Thomas Kigabo RUSUHUZWA wari Umuyobozi Mukuru ushinzwe ubukungu muri...
15 January 2021 Yasuwe: 4808 0

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4334 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3284 0

Abanduye Covid-19 mu Rwanda bamaze kurenga ibihumbi 10,ihitana...

Minisiteri y’Ubuzima yatangaje ko uyu munsi tariki ya 13 Mutarama...
13 January 2021 Yasuwe: 4031 0

Padiri Twagirumukiza wayoboye College Christ Roi y’i Nyanza yahitanwe na...

Padiri Twagirumukiza Herménégilde uri mu bagize uruhare mu gushinga ishuri...
13 January 2021 Yasuwe: 4803 0

Umugabo w’imyaka 55 yabaye umuntu 125 uhitanwe na Covid-19 mu Rwanda, 166...

Minisiteri y’Ubuzima yatangaje ko uyu munsi tariki ya 12 Mutarama...
12 January 2021 Yasuwe: 4197 0