skol
Kigali
startimes

Abantu batatu bahitanywe na COVID-19 mu Rwanda mu gihe abarembye ari 22

Amakuru   Yanditswe na: Dusingizimana Remy 3 February 2021 Yasuwe: 4173

Minisiteri y’Ubuzima yatangaje ko uyu munsi tariki ya 03 Mutarama 2020,abantu batatu bahitanywe na COVID-19 bituma umubare w’abamaze kwicwa n’iki cyorezo ugera kuri 208 mu gihe abanduye bo biyongereyeho 146 bakagera ku 15,834. Abarembye ni 22.

Abamaze gukira biyongereyeho 218 bagera ku 10,963.Abakirwaye 4,663.

Minisante yagize iti "Twihanganishije imiryango y’umugore w’imyaka 105 n’abagabo babiri b’imyaka 85 na 52 bitabye Imana i Kigali."

Abarwayi babonetse Kigali:19, Nyamagabe:16, Kamonyi:15, Nyagatare:12, Rulindo:11, Karongi:11, Gisagara:10, Ruhango:7, Rubavu:7, Musanze:6, Kayonza:6, Rusizi:5, Huye:3, Kirehe:3, Ngoma:3, Gakenke:2, Ngororero:2, Nyaruguru:2, Burera:2, Nyabihu:1, Rwamagana:1, Muhanga:1 na Gatsibo habonetse umurwayi umwe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ubushakashatsi bwerekanye ko urukingo rwa COVID-19 rwakozwe n’Abarusiya, Sputnik V, rufite ubushobozi bwo kurinda uwaruhawe kwandura iyo ndwara ku gipimo cya 92%.

Byatangajwe mu nyigo yashyizwe ahagaragara n’ikinyamakuru cy’Abongereza, Lancet, ku wa 2 Gashyantare 2021; aho hagaragajwe ko abagera ku bihumbi 20 bari mu kigero cy’imyaka iri hejuru ya 60 bahawe urwo rukingo, rugakora neza ku gipimo cya 91,6%.

Abashakashatsi kandi berekanye ko uwahawe dose imwe y’urwo rukingo rushobora kuba rwamurinda kuzahazwa na Coronavirus igihe yaba ayanduye.

Urukingo rw’Abarusiya rutanze icyizere kiri hejuru cyane mu gihe rwavugishije benshi icyo gihugu kimaze kurwemeza, kuko ari rwo rwakozwe mu gihe gito cyane ndetse rugatangira gukoreshwa mbere y’uko Ishami ry’Umuryango w’Abibumbye ryita ku Buzima, OMS, rirwemeza ku mugaragaro.

Icyo gihugu cyatangiye kurukoresha mu gutanga ubufasha bw’ibanze ku baturage bacyo ubwo icyorezo cyari cyakajije umurego mu Burayi, ariko abashakashatsi bamwe bakabinenga bavuga ko rutizewe kuko rutakorewe amagerageza yose agenwa na OMS.

Ubu Sputnik V yamaze gushyirwa mu cyiciro cy’izifitiwe icyizere ndetse zemewe, hamwe n’urwa Pfizer-BioNTech, Moderna, AstraZeneca ndetse na Janssen.

Ibihugu bitandukanye hirya no hino ku Isi birimo Brésil na Mexique biri mu byugarijwe n’icyorezo cyane, byari bisanzwe bikoresha urwo rukingo na Perezida w’u Burusiya, Vladimir Putin, yemeye guterwa. Ubushakashatsi bukimara kugaragazwa, Argentine nayo yahise irutumiza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 158,898 bamaze gukingirwa Covid-19 abanduye biyongeraho...

Mu minsi ibiri ishize mu Rwanda abantu 158,898 bamaze gukingirwa #COVID19....
7 March 2021 Yasuwe: 4089 0

Abantu barenga ibihumbi 75 bakingiwe Covid-19 kuri uyu wa Gatanu

Minisiteri y’Ubuzima yatangaje ko ku munsi wa mbere w’iki gikorwa hakingiwe...
6 March 2021 Yasuwe: 3022 0

Minisitiri w’Ubuzima Dr Daniel Ngamije yahumurije abaturage bagifite...

Minisitiri w’Ubuzima Dr Daniel Ngamije amaze gukingirwa COVID-19.Ni mu...
5 March 2021 Yasuwe: 3602 0

U Buhinde bwahaye ’u Rwanda dose 50.000 z’urukingo rwa Covid-19

Mu gitondo cyo Kuri uyu wa Gatanu u Rwanda rwakiriye ikindi cyiciro...
5 March 2021 Yasuwe: 3190 0

Ibitaro bitandukanye mu Rwanda byatangiye gutanga urukingo rwa mbere rwa...

Ku Bitaro by’Akarere bya Kirehe, gukingira abantu COVID-19 byatangiye aho...
5 March 2021 Yasuwe: 3385 1

Umugabo wo mu mujyi wa Kigali yahitanwe na Covid-19 mu Rwanda,harembye...

Kuri uyu wa Kane,tariki ya 04 Werurwe 2021,Minisiteri y’Ubuzima yatangaje ko...
5 March 2021 Yasuwe: 3963 0