skol
Kigali
startimes

Covid-19 yahitanye abantu 7 mu Rwanda barimo umukobwa wari ufite imyaka 13

Amakuru   Yanditswe na: Dusingizimana Remy 30 December 2020 Yasuwe: 4775

Kuri uyu wa Gatatu tariki 30 Ukuboza 2020, abantu 7 bahitanywe na COVID-19 bituma umubare w’abamaze kwicwa n’iki cyorezo uba 86 mu gihe abanduye bo biyongereyeho 122 bose hamwe baba 8,250 mu bipimo 3,409 byafashwe.


Amakuru yatangajwe na Minisiteri y’Ubuzima agaragaza ko abitabye Imana barimo umukobwa w’imyaka 13 I Nyamasheke,abagabo 3 b’imyaka 51,60 na 63 bo mu mujyi wa Kigali hamwe n’undi mugore w’imyaka 62 I Kigali.Umugabo w’imyaka 61 I Gatsibo,n’umugabo w’imyaka 66 I Karongi.

Abarwayi bashya babonetse I Kigali: 69, Gakenke: 18, Rusizi: 8, Rubavu: 7, Huye: 5, Nyamasheke: 4, Nyamagabe: 3, Muhanga: 2, Karongi: 2, Kamonyi: 1, Gatsibo: 1, Nyabihu: 1, Nyagatare: 1.

Uyu munsi hakize abantu 30 mu masaha 24 ashize bituma umubare w’abamaze gukira bose uba 6,369 naho abakirwaye ni 1,795.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umunyamabanga wa Leta muri Minisiteri y’Ubuzima, Dr Mpunga Tharcisse, yatangaje ko kugeza uyu munsi mu Rwanda hari abarwayi 45 ba COVID-19 barembye ku buryo bari ku mashini zibongerera umwuka.

Dr Mpunga yabigarutseho kuri uyu wa 30 Ukuboza 2020 mu kiganiro cyanyuze kuri Televiziyo y’u Rwanda cyagarutse ku ngamba zo kwirinda COVID-19 muri iki gihe cy’iminsi mikuru.

Yavuze ko kugeza ubu mu Rwanda habarurwa abarwayi ba COVID-19 bagera ku 2000 mu bitaro n’amavuriro atandukanye, aho 45 muri bo barembye, bari ku mashini zibongerera umwuka.

Yagize ati “Dufashe imibare kuva iyi ndwara yatangira muri Werurwe kugeza uyu munsi, tumaze kugira abarwayi 8000 mu bo twabashije gupima ariko ntibivuze ko hari uwaba yarayirwaye tutabashije gupima. Muri abo, kugeza uyu munsi dufite 2000 tugikurikirana mu bitaro bitandukanye, mu midugudu no mu mavuriro yabugenewe, kandi muri abo harimo n’abarembye bagera kuri 45.”

Ku wa Kabiri, tariki ya 29 Ukuboza 2020, Minisiteri y’Ubuzima yatangaje ko abantu bane bishwe na COVID-19 mu Rwanda mu gihe abagera kuri 107 basanganywe iki cyorezo mu bipimo 2913 byafashwe.

Umunyamabanga wa Leta muri Minisiteri y’Ubuzima, Dr Mpunga Tharcisse, yavuze ko ubwandu bwa COVID-19 mu Rwanda bwiyongereye cyane mu Ukuboza kubera ko abantu benshi basigaye bahurira hamwe kandi bakadohoka ku ngamba zo kwirinda.

Yagize ati “Biragaragara ko abarwayi biyongereye muri uku kwezi kwa 12, tukaba tubihuza no kuba abantu benshi bitabira ibirori mu mpera z’umwaka, byatumye badohoka noneho indwara ikaza umurego. “

“Abantu bahurira hamwe ari benshi kandi batikingiye, ibyo tubisanga mu masoko, tubisanga ahahurira benshi muri za restaurants, mu tubari tutemewe, aho bategera imodoka n’ahandi mu biro hahurira abantu benshi ariko byose biterwa n’uko baba biraye akaba ariyo mpamvu tubashishikariza kwirinda.”

Umubare w’abarwayi ba COVID-19 barembye wiyongereyeho batanu mu gihe cy’umunsi umwe dore ko ku wa 29 Ukuboza, Ikigo cy’Igihugu cy’Ubuzima (RBC) cyari cyatangaje ko abarwayi bari ku mashini zibongerera umwuka ari 40.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Covid-19 yahitanye abantu 7 mu Rwanda abandi 204 barayandura

Minisiteri y’Ubuzima yatangaje ko uyu munsi tariki ya 23 Mutarama...
23 January 2021 Yasuwe: 4457 0

Hatangiye igikorwa cyo gupima abaturage ibihumbi 20 mu tugari twose two mu...

Abaturage basaga ibihumbi 20 bo mu tugari rwose two mu mujyi wa Kigali,...
23 January 2021 Yasuwe: 4044 0

Abantu 3 bishwe na COVID-19 mu Rwanda handura 273 bashya

Minisiteri y’Ubuzima yatangaje ko uyu munsi tariki ya 22 Mutarama...
23 January 2021 Yasuwe: 4864 0

MINISANTE yashyizeho uburyo bworohereza abaganga n’abarwayi bagorwa kubera...

Minisiteri y’Ubuzima iratangaza ko yamaze gushyiraho uburyo bwo korohereza...
22 January 2021 Yasuwe: 3943 0

Covid-19 yishe abantu 9 umunsi umwe mu Rwanda handura abandi...

Minisiteri y’Ubuzima yatangaje ko uyu munsi tariki ya 21 Mutarama...
21 January 2021 Yasuwe: 4969 0

Abandi bantu 5 bahitanwe na Covid-19 mu Rwanda handura 312

Minisiteri y’Ubuzima yatangaje ko uyu munsi tariki ya 20 Mutarama...
20 January 2021 Yasuwe: 4790 1