RIB yafunze umuyobozi ukomeye mu Ntara y’Amajyepfo ushinjwa gutanga ruswa
Yanditswe: Monday 22, Jan 2024
Kabera Vedaste, umuyobozi ushinzwe imiyoborere myiza mu ntara y’Amajyepfo yatawe muri yombi n’Urwego rw’Ubugenzacyaha RIB,ashinjwa gushaka guha ruswa Umugenzacyaha ngo adakurikirana ibirego umugore we amushinja.
RIB ibinyujije ku rubuga rwa X,yavuze ko yafunze Kabera Vedaste, Umuyobozi ushinzwe imiyoborere myiza mu Ntara y’Amajyepfo.
Akurikiranweho guha ruswa Umugenzacyaha wakurikiranaga dosiye aregwamo n’ umugore we ku byaha byo kumuhoza ku nkeke no kumuhohotera.
Vedaste afungiye kuri Sitasiyo ya RIB ya Nyamabuye, mu gihe dosiye ku byaha aregwa iri gutunganywa kugirango ishyikirizwe Ubushinjacyaha.
RIB irongera gukangurira abaturarwanda kwanga ruswa no kuyirwanya, ndetse no kujya batanga amakuru aho bayikeka kuko igira ingaruka mbi ku iterambere ry’Igihugu.
Leave a Reply
Your email address will not be published. Required fields are marked *