skol
startimes

Rusizi:Abajura bambaye imyenda ya Gisirikare bateye umuturage bamwambura amafaranga banamwicira umugore

Amakuru   Yanditswe na: Dusingizimana Remy 28 December 2020 Yasuwe: 6205

Mu karere ka Rusizi mu murenge wa Gihundwe, Abantu bambaye Impuzankano ya Gisirikare, mu ijoro ryakeye bateye urugo rw’uwitwa Bavugamenshi Fidele baramuhambira, barasa umugore we witwa Mukandayisenga Olive arapfa.


Aba bagizi ba nabi bateye urugo rwa Bavugamenshi ari batatu, ngo babiri muri bo bari bambaye imyenda isa n’iya gisirikare, naho umwe yambaye bisanzwe.

Amakuru dukesha IGIHE avuga ko abaturanyi b’uru rugo bavuze ko abo bagizi ba nabi baje bagasaba uwo mugabo usanzwe ari umucuruzi w’amatungo kubaha imbunda, we akavuga ko ntayo afite, nyuma bakamusaba amafaranga.

Bahise bamuzirika maze basaka inzu ye, aho bamutwaye arenga ibihumbi 400 Frw.

Mu gusohoka mu nzu batwaye ayo mafaranga, ni bwo nyakwigendera Mukandayisenga Olive yabakurikiye abatakambira abasaba ko byibuze bamusigiraho make, bahita bamurasa mu rubavu.

Amakuru Ikinyamakuru IGIHE dukesha iyi nkuru cyabonye ni uko uwo mugore yarashwe ntahite apfa, atabarwa n’umuturanyi we amushyira kuri moto ngo amujyanye kwa muganga, ariko igeze inyuma y’urugo ahita ashiramo umwuka.

Umuyobozi w’Akarere ka Rusizi, Kayumba Ephrem, yahamirije IGIHE iby’aya makuru, asobanura ko abateye bigaragara ko ari abajura.

Yagize ati “Ni byo koko hari umuturage wacu wishwe n’abajura bitwaje intwaro, bamutwara n’amafaranga arenga ibihumbi 400 Frw.”

Yakomeje avuga ko hagikorwa iperereza ngo hamenyekane ababa bagize uruhare muri ubwo bugizi bwa nabi.

Ati “Ntituramenya abantu baba bagize uruhare muri ubwo bugizi bwa nabi, iperereza riracyakomeje.”

Kayumba yasobanuye ko ibikorwa nk’ibi bidakunze kurangwa mu karere ke ariko abaturage badakwiye guhungabana.

Yagize ati “Nibahumure turacyakora iperereza, ariko barusheho no gukaza ingamba z’umutekano, harimo gutangira amakuru ku gihe mu gihe babonye umuntu batazi neza, cyangwa hari ibikorwa bibi bamukekaho.”

Umurambo wa nyakwigendera wahise ujyanwa mu Bitaro bya Gihundwe, ari naho waraye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RIB yafunze abantu 8 barimo nyir’ivuriro “Sante pour Tous”

Urwego rw’Igihugu rushinzwe ubugenzacyaha RIB rwatangaje ko rwafunze...
16 January 2021 Yasuwe: 5793 0

Nyarugenge: Abasore n’inkumi 13 bafashwe bari kunywa inzoga na Shisha bishe...

Abasore n’inkumi 13, abakobwa 6 n’abahungu 7 bafashwe saa 20h50 babyina...
16 January 2021 Yasuwe: 4635 1

Polisi yerekanye abagabo bakekwaho kwiba ibyuma by’amashanyarazi...

Polisi y’Igihugu, mu gitondo cyo kuri uyu wa Gatanu tariki 15 Mutarama 2021,...
15 January 2021 Yasuwe: 3384 0

Rubavu: Umugore n’umugabo we bafatanwe udupfunyika 2,480 tw’urumogi

Abapolisi bo mu ishami rya Polisi y’u Rwanda rishinzwe kurwanya...
15 January 2021 Yasuwe: 3566 0

Rubavu:Abiyitaga abayobozi ba sitasiyo ya Polisi bakambura abaturage batawe...

Polisi y’u Rwanda ikorera mu Karere ka Rubavu, Umurenge wa Nyamyumba kuri...
14 January 2021 Yasuwe: 3238 0

RIB yatangaje byinshi ku bwicanyi bwabereye I Rwamagana

Urwego rw’Igihugu rw’Ubugenzacyaha, RIB, rwatangaje ko rwafunze umugabo witwa...
12 January 2021 Yasuwe: 6517 0