skol
startimes

Miss Mutesi Jolly yasomye amakuru kuri Televiziyo y’u Rwanda avayo yirahira umwuga w’itangazamakuru[AMAFOTO]

Imyidagaduro   Yanditswe na: Martin Munezero 10 January 2021 Yasuwe: 8867

Mu ijoro ryo ku wa 8 Mutarama 2021, Miss Jolly Mutesi, wari umutumirwa mu makuru y’Icyongereza kuri Televiziyo y’u Rwanda, yayavuyemo yirahira abakora itangazamakuru, ahamya ko ari ibintu biba bitoroshye.


Televiziyo y’u Rwanda imaze kubigira umuco ko rimwe na rimwe itumira umwe mu bantu bazwi agafatanya n’umunyamakuru wayo by’umwihariko mu kuvuga amakuru y’Icyongereza.

Iyi ntebe yicaweho n’abantu batandukanye barimo nka Jeff Koinange, umunyamakuru uri mu bubashywe muri Kenya wasomanye amakuru na Fiona Mbabazi.

Mutesi Jolly wegukanye ikamba rya Miss Rwanda 2016 ni we wari umutumirwa kuri Televiziyo y’u Rwanda ku makuru y’Icyongereza yo ku mugoroba wo ku wa 8 Mutarama 2021.

Uyu mukobwa yahavuye yirahira abakora umwuga w’itangazamakuru, ahamya ko yungutse inararibonye rishya mu buzima bwe.

Mu kiganiroyahaye igihe.com dukesha iyi nkuru, Miss Jolly Mutesi yavuze ko yishimiye gusoma amakuru yari asanzwe akurikira umunsi ku wundi.

Yagize ati “Ni irindi nararibonye nungutse, burya bya bintu biba bigoye sinari nzi ko ari kuriya bigoranye. Gusoma amakuru igihugu cyose kiguhanze amaso, nari mfite ubwoba ko navayo nkoze ikosa ariko Imana ishimwe ko nahavuye nemye.”

Jolly Mutesi yavuze ko akurikije inararibonye yakuye kuri Televiziyo y’u Rwanda, yasanze abanyamakuru ari abantu bakwiye guhabwa agaciro gakomeye.

Ati “Bakora akazi katoroshye rwose bakwiye kubahwa, wenda iyo tureba amakuru kuri televiziyo uba ubona ari ibisanzwe, gusa iyo uhageze ukibuka ko Isi yose iguhanze amaso nibwo umenya ko bitaba byoroshye.”

Ku mbuga nkoranyambaga, benshi mu banyamakuru bakomeye bishimiye uburyo Jolly Mutesi yasomye amakuru.

Abinyujije kuri Twitter, Miss Jolly Mutesi yabajije asa n’ushyenga niba nta hari akazi ko gusoma amakuru.

Yakomeje ati “Abanyamakuru bose bakurirwe ingofero, burya za televiziyo si imikino. Wakoze cyane Sam Kalisa kuntumira nahagiriye ubundi bunararibonye.”

Uyu mukobwa wegukanye ikamba rya Miss Rwanda mu 2016, ni umwe mu bagize akanama nkemurampaka k’iri rushanwa mu myaka itatu ishize.

Miss Jolly n’Umunyamakuru wa RBA, Sam Kalisa wari wamutumiye

Jolly Mutesi si we mukobwa wa mbere utumiwe mu makuru y’Icyongereza kuri Televiziyo y’u Rwanda, mu minsi ishize Miss Nishimwe Naomie nawe yaratumiwe ahanyurana umucyo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanasha yatunguranye ahishura ko akeneye Diamond ndetse amusaba kumufata...

Tanasha Donna kuri ubu uri muri Tanzania yagaragaje amarangamutima ye, aho...
26 January 2021 Yasuwe: 3551 0

Umugore yateje impaka avuga uburyo abagabo barutwa n’ imbwa

Ku rubuga rwa Twitter, umugore utamenyekanye amazina ye ya nyayo ariko...
26 January 2021 Yasuwe: 5167 0

Tanasha Donna yahawe urwamenyo ubwo yageragezaga gusoma Diamond ku...

Mu gihe hari hagikomejwe kwibazwa niba Diamond na Natasha Donna bari kubana...
26 January 2021 Yasuwe: 5777 0

Bebe Cool yahamije ko iby’urushako bitoroshye kuko umugore we ngo yanamuhaga...

Umuhanzi uri mubakunzwe mugihugu cya Uganda, Bebe Cool arishimira imyaka 19...
26 January 2021 Yasuwe: 5414 0

Social Mula yikomye Bruce Melodie wamwiyemeyeho

Ku mugoroba wo ku munsi w’ejo tariki ya 24 Mutarama 2021 nibwo abahanzi...
25 January 2021 Yasuwe: 6222 0

Diamond yagaragaje ibyishimo bidasanzwe yatewe no kongera kubonana n’umwana...

Umuhanzi wo mugihugu cya Tanzania, Diamond Platnumz yagaragaje ibyishimo...
25 January 2021 Yasuwe: 4884 0