Amakipe 2 yo mu Bwongereza ahabwa amahirwe yo kugera ku mukino wa nyuma wa UEFA Europa League y’uyu mwaka yamaze kugera muri ½ cy’irangiza mu ijoro ryo kuri uyu wa Kane.

Sponsored Ad

Arsenal yari yitwaye nabi mu mukino ubanza wa ¼ ikina na Slavia Prague bakanganya igitego 1-1,yakoze ibitangaza mu mukino wo kwishyura inyagirira iyi kipe muri Czech Republic ibitego 4-0 ikatisha yemye itike ya ½ cy’irangiza.

Nubwo ku munota wa 14 w’umukino Smith-Rowe yatsindiye Arsenal igitego kikangwa na VAR nyuma yo kugaragara ko yaraririye,iyi kipe yo mu Bwongereza yari hejuru cyane yaje gusuka mu izamu ibitego byikurikiranya.

Ku munota wa 18 nibwo yafunguye amazamu ibifashijwemo na Nicolas Pepe ku mupira mwiza yahawe na Smith Rowe wari umaze gucenga ba myugariro ba Slavia Prague mu rubuga rw’amahina.

Bidatinze ku munota wa 21 Arsenal yabonye igitego cya 2 kuri penaliti yatewe neza na Lacazette ku ikosa ryakorewe Bukayo Saka mu rubuga rw’amahina.

Ntibyatinze ku munota wa 24 uyu Bukayo Saka ashyiramo igitego cya 3 ku ishoti rikomeye yateye rigahita ryerekeza mu izamu.Igice cya mbere cyarangiye ari ibitego 3-0.

Mu gice cya kabiri,Arsenal yagerageje gukina ihanahana umupira ariko ntiyatsinda ibitego byinshi kuko yinjijemo kimwe cya Alexandre Lacazette birangira ari 4-0.

Ku rundi ruhande,Manchester United yari yatsinze Granada ibitego 2-0,yayisubiriye iyitsinda ibindi 2-0 no mu mukino wo kwishyura wabereye mu Bwongereza.

United yafunguye amazamu ku munota wa 06 ibifashijwemo na Edinson Cavani ku mupira mwiza yahawe na Pogba hanyuma Vallejo yitsinda ikindi gitego ku munota wa 2 w’inyongera.

United yasezereye iyi kipe yo muri Espagne ku bitego 4-0 mu mikino yombi biyiha itike ya ½ cy’irangiza.

Uko Imikino yose yagenze:

Man Utd 2-0 Granada
Slavia Prague 0-4 Arsenal
AS Roma 1-1 Ajax [Agg 3-2]
Villarreal 2-1 Zagreb [Agg 3-1]

Uko imikino ya 1/2 iteganyijwe:

Manchester United vs AS Roma
Villarreal vs Arsenal

Imikino ibanza izaba kuwa 29/04/2021 mu gihe iyo kwishyura ari 06/05/2021