startimes
Kigali
startimes

Jose Mourinho yishimiye ko abakinnyi be bari bagiye kurwanira mu kibuga

Imyidagaduro   Yanditswe na: Dusingizimana Remy 7 July 2020 Yasuwe: 4296

Umutoza wa Tottenham,Jose Mourinho yishimiye ko abakinnye be Heung Min Son na Hugo Lloris bari bagiye kurwanira mu kibuga mu mukino waraye ubahuje na Everton bakyitsinda igitego 1-0 avuga ko byerekana ishyaka bafitanye.


Sponsored Ad


Ubwo igice cya mbere cy’uyu mukino cyari kirangiye,amashusho yagaragaje uyu munyezamu akaba na kapiteni wa Tottenham,Hugo Lloris ari gusunikana na rutahizamu Heung Min Son bituma bagenzi babo bahagoboka.

Amakuru avuga ko uyu munyezamu yarakajwe cyane no kuba uyu mukinnyi yatakazaga imipira ntaze gufasha bagenzi be ubwo babaga bugarijwe.

Jose Mourinho yabwiye Sky Sports ko uku gushyamirana ari kwiza mu ikipe kuko abakinnyi bibukiranya inshingano zabo gusa yishinja amakosa ko ariwe byaturutseho kuko ngo yasabye abakinnyi be kujya bakeburana mu kibuga.

Yagize ati “Ni byiza.Mu by’ukuri n’umusaruro waturutse mu nama duheruka kugirana.Ushaka kugira uwo unenga kuri biriya yaba njyewe.Nanenze bikomeye abakinnyi banjye kubera ko batajyaga banengana bo ubwabo.Nabasabye kwishyiraho igitutu no kugishyira kuri bagenzi babo.

Nabasabye kujya bahamagara bagenzi babo bakabibutsa umwuka w’ikipe wo gukorera hamwe ariyo mpamvu ibyabaye nyuma y’igice cya mbere aho umusore mwiza buri wese akunda Son,ukorera cyane ikipe yibutswaga na kapiteni ko agomba kongera umusaruro.

Ntabwo nzi neza niba habaye gusunikana gusa icyo nishimira n’ugukura kuri mu ikipe kuko kugira ngo ikipe ikure ari uko buri mukinnyi asaba mugenzi we kwitanga kurushaho.”

Aba bakinnyi bombi basanzwe bafite umwanya uhoraho wo kubanza mu kibuga bari bagiye kurwana gusa bagenzi babo barimo Giovani Lo Celso, Harry Winks na Moussa Sissoko barahagoboka babajya hagati.

Kapiteni Hugo Lloris yabwiye abanyamakuru ko nta kibazo afitanye na Son ahubwo ngo ibyabaye hagati yabo ari ibisanzwe mu mupira w’amaguru ndetse nyuma y’umukino bahoberanye bishimira intsinzi ikomeye bakuye kuri Everton yabagoye


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wa Chelsea yanyoye inzoga nyinshi ananirwa kwigenza...

Umukinnyi wo hagati mu ikipe ya Chelsea witwa Ross Barkley yafotowe...
14 August 2020 Yasuwe: 694 0

RB Leipzig yatunguye Atletico Madrid iyisezerera muri UEFA Champions...

Ikipe ya RB Leipzig yafatwaga nk’insina ngufi muri UEFA Champions...
13 August 2020 Yasuwe: 1011 0

Lionel Messi yigaranzuye Cristiano Ronaldo mu bakinnyi binjije menshi...

Ikinyamakuru France Football cyo mu Bufaransa gisanzwe gitanga Ballon d’Or...
13 August 2020 Yasuwe: 1433 0

Mesut Ozil yatangaje impamvu yatumye akurwa mu ikipe ya Arsenal nyuma yo...

Umukinnyi Mesut Ozil ukomeje kuzonga ikipe ya Arsenal ishaka kumugurisha...
13 August 2020 Yasuwe: 2275 0

"Kudusezerera muri UEFA Champions League ntibishoboka"-Neymar...

Rutahizamu Neymar wa Paris Saint-Germain (PSG) avuga ko "bidashoboka...
13 August 2020 Yasuwe: 1451 0

Mugiraneza Jean Baptitse Migi yasezeye mu ikipe y’igihugu Amavubi

Umukinnyi Mugiraneza Jean Baptiste Migi yatangaje ko bitarenze mu kwa cumi...
13 August 2020 Yasuwe: 984 0