skol
Kigali
startimes

Messi yavuze byinshi ku hazaza he anongera guhishura ukuntu yemera cyane Cristiano Ronaldo

Imyidagaduro   Yanditswe na: Dusingizimana Remy 28 December 2020 Yasuwe: 5243

Umunyabigwi mu mupira w’amaguru ku isi no mu ikipe ya FC Barcelona,Lionel Messi,yahishuye byinshi ku bijyanye no kuva muri FC Barcelona,agahinda yatewe no kugenda kwa Luis Suarez n’ukuntu yemera Cristiano Ronaldo.


Uyu munya Argentina watanze ibyishimo mu mupira w’amaguru,yemerewe gutangira kuvugana n’andi makipe guhera mu kwezi kwa mbere uyu mwaka cyane ko amasezerano ye azarangira mu mpeshyi itaha.

Uyu mukinnyi yavuze ko nashaka kugenda azabitangariza ikipe ndetse ko aticuza kuba yarasezeye ikipe mu mezi ashize ashaka kwigendera nubwo byarangiye bimwangiye.

Mu kiganiro yagiranye na La Sexta yatangiye agira ati “Bwari uburyo bwo kugaragaza ibyiyumvo byanjye.Ninjye wabwiye ikipe ko nshaka kugenda,numvaga ko natanze ibyo nasabwaga kandi cyari cyo gihe cyiza cyo gutandukana n’ikipe yampaye byinshi.Nifuzaga gutwara ibikombe ndetse no guhatanira Champions League numvaga aricyo gihe cyo guhindura.Perezida yatangiye kubyangiza ndetse anatangira kunsiga icyasha.

Byari bingoye cyane gufata icyemezo cyo kuva mu ikipe.Umuryango wanjye wifuzaga ko mpaguma,hariya niho mu rugo iwabo ariko njye numvaga nshaka kugenda.

Kugenda kwa Luis Suarez ntaho byari bihuriye n’icyemezo cyanjye cyo kugenda ariko numvise ari ubusazi uburyo yarekuwemo ndetse Barcelona yaramurekuye ajya mu ikipe duhanganye.

Yagendeye Ubuntu,yishyurwa amafaranga yari asigaye ku masezerano ye anajya mu ikipe ihora ifite intego nk’izacu.Ntabwo byumvikana.”

Ku bijyanye no kuva muri FC Barcelona,Messi yagize ati “Reka dutegereze turebe uko bizagenda ariko nzatangaza ahazaza hanjye mu mpeshyi.Ikipe iri guca muri byinshi bikomeye ku bijyanye n’ubukungu byagorana kuzana Neymar Jr.”

Messi yavuze ko iyo ajyana mu nkiko FC Barcelona mu mezi ashize kugira ngo imurekure agende yari kuyitsinda ariko ngo yanze kuyivamo nabi.

Messi avuga aho yifuza kujya,yagize ati “Nakwishimira kuzakina muri US nkaba mu buzima bwa hariya ndetse ngakina na shampiyona yaho ariko nkazagaruka muri FC Barcelona mfite ubumenyi.

Ntabwo ndatangira gutekereza cyane ku biri imbere ahubwo ndashaka kureba uko umwaka w’imikino uzarangira.”

Messi abajijwe uko abona Cristiano Ronaldo,yagize ati “Hari abakinnyi bakwiriye guhabwa icyubahiro. Rafa Nadal, Federer, LeBron James.Mu mikino yose haba hari umukinnyi uwuhagarariye akanashimirwa ibyo yakoze.

Cristiano ahagarariye umupira w’amaguru.Hari abakinnyi bahagaze neza mu byo bakora batanga ibyiza gusa.”

Messi yavuze ko aterwa imbaraga cyane n’abahungu be kurusha abandi bose kuko ngo nibo bamubyutsa ngo ajye mu kazi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Georgina Rodriguez yaciye ibintu kubera imitoma yateye umukunzi we...

Umukunzi wa Cristiano Ronaldo witwa Georgina Rodriguez yongeye gutuma...
22 January 2021 Yasuwe: 4006 0

Arsenal yatiye umunyezamu wa kabiri utanga icyizere kurusha uwo yari...

Ikipe ya Arsenal yatangaje ko yatiye umunyezamu w’umunya Australia witwa...
22 January 2021 Yasuwe: 3376 0

Hamenyekanye umuntu watumye Paul Pogba yongera kuba umukinnyi...

Hari hashize igihe kinini abakunzi ba Manchester United banenga imikinire...
22 January 2021 Yasuwe: 4992 0

Liverpool yatakaje agahigo gakomeye yari ifite ikomeza kujya mu bihe...

Ikipe ya Liverpool imaze iminota 438 itinjiza igitego mu izamu ry’ikipe...
22 January 2021 Yasuwe: 3879 0

APR FC yahisemo guha Kiyovu Sports Ishimwe Kevin wayinaniye

Kuwa Mbere tariki ya 18 Mutarama 2021, Ikipe y’Ingabo z’Igihugu APR FC...
21 January 2021 Yasuwe: 3400 0

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 4106 0