skol
Kigali
startimes

Abdoul Razak Fiston n’abandi bakinnyi 3 bakomeye bari hafi kuza muri Rayon Sports-Murenzi Abdallah

Imyidagaduro   Yanditswe na: Dusingizimana Remy 8 October 2020 Yasuwe: 2866

Umuyobozi w’agateganyo wa Rayon Sports,Murenzi Abdallah,yavuze ko hari umubano Rayon Sports iri kugirana n’ikipe ya TP Mazembe ndetse umuyobozi w’iyi kipe yo muri RDC yemeye kubaha abakinnyi 2 bakomeye.


Murenzi watorewe kuyobora Rayon Sports mu minsi 30,yabwiye radio B&B FM UMWEZI ko mu byumweru 2 amaze ku buyobozi bw’iyi kipe bamaze kugera kuri byinshi ari nako akomoza ku bakinnyi iyi kipe yifuza.

Avuga ku bakinnyi ikipe ya Rayon Sports yifuza,Murenzi yavuze ko hari umubano mwiza uri hagati ya Rayon Sports na TP Mazembe ndetse hari abakinnyi 2 bagiye kubona baturutse muri iyi kipe barimo uwitwa Ourega wo muri Cote d’Ivoire.

Yagize ati “Turateganya ko hari abakinnyi 2 bazaza muri iki cyumweru cyangwa bikererewe bakaza mu gitaha bari ku rwego twifuza.

Jean Vital Ourega n’umukinnyi twagiranye ibiganiro ndetse mu minsi mike ashobora kudusinyira amasezerano ndetse si nawe wenyine kuko hari n’undi ukiri muto bashaka kudutiza kugira ngo tumubategurire.N’abakinnyi duteganya ko bashobora kuza vuba aha.”

Murenzi yavuze ko hari umubano mwiza uri hagati ya Rayon Sports na TP Mazembe ndetse ko uyu munsi saa mbili umuyobozi wayo Katumbi yamwoherereje ubutumwa amubwira ko uwo mubano wakomeza.

Murenzi yavuze ko abandi bakinnyi baganiriye ndetse bashobora kugera mu ikipe vuba barimo Fiston Abdoul Razak, Biramahire Abeddy na Camara Moussa wigeze kunyura muri iyi kipe..Aba bakinnyi bose hari amahirwe angana na 90% yo kuba baza muri Rayon Sports.

Murenzi Abdallah yashimiye APR FC yongeye kubatiza Sugira Erneste igihe cy’umwaka umwe.

Murenzi yavuze ko bifuza kuzakoresha abakinnyi 05 b’abanyamahanga ariyo mpamvu bakomeje gushaka abakomeye.

Abajijwe niba Rayon Sports itanga icyizere cyo gutwara igikombe,Murenzi yagize ati “Ikipe turimo kubaka abantu niduhura mu kibuga bazatwumva kuko twahoze tureba ubusatirizi tuzaba dufite,ntabwo ari benshi bazaburokoka.”

Murenzi yavuze ko bamaze kwandikira FERWAFA basaba ko itegeko ry’abanyamahanga ryavugururwa kugira ngo umupira w’amaguru mu Rwanda uzamuke kurushaho.

Murenzi yavuze ko lisiti y’abakinnyi 24 bashyize hanze ku munsi w’ejo yatanzwe n’umutoza ndetse ko hari abakinnyi bagiye gutizwa abandi bakagurishwa mu rwego rwo kugira uburinganire mu ikipe.

Murenzi yavuze ko ari kubaka ikipe iha buri wese amahirwe yo gukora ibyo ashinzwe kugira ngo hatazongera kugaragara ibibazo byo kwivanga mu nshingano z’abandi.

Murenzi yavuze ko ikibazo cya Bisi y’ikipe yafatiriwe kiri kurebwaho ndetse imikino izatangira cyamaze gukemuka.

Uyu muyobozi wa Rayon Sports yahishuye ko mu minsi mike ibiro bya Rayon Sports biraba byabonetse kuko bamaze kurambagiza inyubako.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble paccy

    Congs kuri abo bayobozi nibyo iyo rayon ikomeye competition irazamuka ruhago ikaryoha

    1 month ago

Inzindi nkuru

APR FC izabanza kwakira Rayon Sports muri shampiyona [INGENGABIHE]

Hamaze kujya hanze ingengabihe y’uko amakipe azahura mu mikino ibanza ya...
25 November 2020 Yasuwe: 246 0

Wayne Rooney yahishuye ukuntu yifuje kwerekeza muri FC Barcelona kubera...

Umunyabigwi w’ikipe ya Manchester United n’ikipe y’igihugu y’Ubwongereza,Wayne...
24 November 2020 Yasuwe: 1033 1

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 1010 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 947 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1964 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4893 0